Information is intelligence
HomeBusinessनिषेधाज्ञाकाे बेला पनि सेयर बजार खुल्ने

निषेधाज्ञाकाे बेला पनि सेयर बजार खुल्ने

- Advertisement -spot_img

काठमाडौं उपत्यकामा निषेधाज्ञा जारी भएको अवस्थामा पनि सेयर बजार खुल्ने भएको छ । अर्थमन्त्रालयमा बुधबार सम्पन्न छलफलपछि सेयर बजार खोल्ने निर्णय भएको नेपाल धितोपत्र बोर्डले जनाएको छ ।


नेपाल धितोपत्र बोर्डका अध्यक्ष भीष्मराज ढुंगानाले निषेधाज्ञामा पनि बजार नियमित रूपमा खोलिने बताए । ‘सेयर बजार निषेधाज्ञामा पनि खोलिने छ,’ उनले भने, ‘यसअघि ठूलो अवरोध नआएसम्म बजार बन्द नहुने निर्णय गरिएको थियो, त्यसैलाई निरन्तरता दिने भइएको छ ।’ ठूलो अवरोध नआएसम्म बजार बन्द नहुने उनको भनाइ छ ।

यता, लगानीकर्ता पनि सेयर बजार बन्द गर्न नहुने पक्षमा उभिएका छन् । यसभन्दा पहिलेको लकडाउनमा नेप्से ९८ दिन बन्द भएको थियो । लामो समय बन्द भएका कारण लगानीकर्ताले सेयर खरिद बिक्री गर्न पाएका थिएनन् ।

काठमाडौं, ललितपुर र भक्तपुर तीन जिल्लाका जिल्ला प्रमुख अधिकारीको बैठकले भदौ ३ गते राति १२ बजेदेखि एक साताका लागि निषेधाज्ञा जारी निर्णय गरेपनि उक्त दिनमा सेयर बजार खुल्ने भएको छ ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img

LEAVE A REPLY

Please enter your comment!
Please enter your name here

सम्बन्धित खवर

- Advertisement-spot_img

ट्रेन्डिङ

सिफारिस

धेरै कमेन्ट गरिएका

साताका समाचारहरु