Information is intelligence
HomeNewsवालिङमा आप्रवासी स्रोत उपकेन्द्र स्थापना

वालिङमा आप्रवासी स्रोत उपकेन्द्र स्थापना

- Advertisement -spot_img

स्याङ्जाको वालिङमा आप्रवासी स्रोत उपकेन्द्र स्थापना गरिएको छ । वैदेशिक रोजगारीका क्षेत्रमा देखिएका विकृति, विसङ्गतिको न्यूनीकरणका लागि थप व्यवस्थित, सुरक्षित र शोषणमुक्त बनाइ प्रतिफल वृद्धि गर्ने उद्देश्यले आप्रवासी स्रोत उपकेन्द्रको स्थापना गरिएको हो ।

ईलाका प्रशासन कार्यालय वालिङमा कार्यालय रहने गरी स्थापना भएको आप्रवासी स्रोत उपकेन्द्रले वैदेशिक रोजगारीमा जाने तयारीमा रहेका युवा÷युवतीलाई रोजगारीमा जाँदा अपनाउनुपर्ने सुरक्षासम्बन्धी परामर्श, निशुल्क तालिमका लागि सिफारिस र अप्ठ्यारोमा परेकालाई कानूनी सहायताका लागि सहजीकरणलगायतका काम गर्ने सामी हेल्भेटास परियोजनाका गण्डकी प्रदेश संयोजक उमा शर्माले बताए ।

नेपाल सरकार र स्वीस सरकारबीच भएको द्विपक्षीय सम्झौताअनुसार हेल्भेटास नेपालको प्राविधिक सहयोगमा सञ्चालित सुरक्षित आप्रवासन परियोजना (सामी) कार्यक्रम स्याङ्जामा लागू भएको छ । “वैदेशिक रोजगारीलाई सुरक्षित र मर्यादित बनाउन सञ्चालन गरिएको सामी परियोजनाअन्तर्गत राहदानी बनाउन ईलाका प्रशासन कार्यालय वालिङमा आएकालाई सुरक्षित रोजागार परामर्श कार्यक्रम, कानूनी सेवा उपलब्ध गराउँछौँ”, प्रदेश संयोजक शर्माले भने “रोजगारीबाट फर्किएकालाई सामाजिक पुनस्र्थापना लगायतका कार्यक्रम सञ्चालन गर्नेछौँ ।”

उपकेन्द्रले कार्यक्रम लागू भएका पालिकाका वैदेशिक रोजगारमा जाने कामदार र उनीहरुको घर परिवारलाई सही सूचना प्रवाह गर्ने परियोजना स्याङ्जाका कार्यक्रम संयोजक एकनारायण सापकोटाले बताए । पुतलीबजार नगरपालिकास्थित जिल्ला प्रशासन कार्यालय स्याङ्जामा यसअघि नै आप्रवासी स्रोत केन्द्र स्थापना भई सेवा प्रवाह गरिसकेको कार्यक्रम संयोजक सापकोटाले बताए । “वैदेशिक रोजगारीका लागि विभिन्न देशमा जानेको सङ्ख्या स्याङ्जामा पनि धेरै छ”, कार्यक्रम संयोजक सापकोटाले भन्नुभयो, “वैदेशिक रोजगारीका लागि गएकामा आइपरेका समस्या आप्रवासी स्रोत केन्द्र स्याङ्जाले सहजीकरण गर्ने गरेकोमा अबदेखि वालिङबाट पनि सेवा थालेका छौ ।”

आप्रवासी स्रोत केन्द्रमा विशेष गरी वैदेशिक रोगाजारीमा गएकामा एउटा काम भनेर अर्कोमा लगाउने, ठगी, मृत्यु पश्चात क्षतिपूर्ति दाबी, विदेशबाट लास ल्याउन समस्या, उद्धार जस्ता विषयका गुनासो आउने गरेको कार्यक्रम संयोजक सापकोटाले बताए । कार्यक्रम संयोजक सापकोटाका अनुसार जस्तो प्रकृतिको समस्याहरु आउँछन् तत्तत् विषयसँग सम्बन्धित कार्यालयमा गुनासो पुर्याएर सहजीकरण गर्ने कार्य हुनेछन् ।रासस

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु