Information is intelligence
HomeSportsआईपीएलमा कोलकत्ता नाइट राइडर्स र सनराईजर्स हैदराबादबीच प्रतिस्पर्धा

आईपीएलमा कोलकत्ता नाइट राइडर्स र सनराईजर्स हैदराबादबीच प्रतिस्पर्धा

- Advertisement -spot_img

एजेन्सी । युएईमा जारी १३ औं संस्करणको इन्डियन प्रिमियर लिग (आईपीएल) टी-ट्वान्टी क्रिकेटमा आज (शनिबार) कोलकत्ता नाइट राइडर्स र सनराईजर्स हैदराबादबीच प्रतिस्पर्धा हुँदैछ ।

अबुधाबीस्थित शेख जायद स्टेडियममा कोलकत्ता र हैदराबाद आफ्नो दोस्रो खेलका लागि मैदान उत्रने छन् । कोलकत्ता र हैदराबादबीचको खेल नेपाली समय अनुसार साँझ ७:४५ बजे सुरु हुनेछ ।

दिनेश कार्तिकको कप्तानीमा मैदान उत्रने कोलकत्ता पहिलो जित निकाल्ने लक्ष्यसहित मैदान उत्रने छन् ।

पहिलो खेलमा कोलकत्ता मुम्बई इण्डियन्ससँग ४९ रनले पराजित भएको थियो । तर, दोस्रो खेलमा भने कोलकत्ता जितको खोजीमा हुनेछ ।

यता, डेभिड वार्नरको कप्तानीमा मैदान उत्रने हैदराबाद पनि पहिलो जितको खोजीमा हुनेछ ।

पहिलो खेलमा हैदराबाद रोयल च्यालेन्जर्स बैंगलोरसँग १० रनले पराजित भएको थियो ।

पछिल्लो पाँच खेलको नतिजा हेर्दा दुबै टिम हैदराबाद बलियो देखिएको छ । गत सिजन दुई भेटमा दुबै टिमले एक एक जित निकालेका थिए ।

गत संस्करणमा भएको पहिलो भेटमा कोलकत्ताले ६ विकेटको जित निकालेको थियो । तर, दोस्रो भेटमा हैदराबादले ९ विकेटको जित निकालेको थियो ।

कोलकत्ताले हैदराबादविरुद्ध कार्तिकसँगै सुनिल नारिन, नितेश राना, आन्द्रे रसेल, इयान मोर्गन, पाट कुमिन्स, कुलदिप यादब जस्ता खेलाडी मैदान उतार्ने छन् ।

हैदराबादसँग भने वार्नरसँगै जोनी बेयर्स्टो, मनिस पाण्डे, केन विलियाम्सन, विजय शंकर, राशिद खान, भुवनेश्वर कुमार, सन्दीप शर्मा लगायतका खेलाडी रहने छन् ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु