Information is intelligence
HomeNewsमुख्यमन्त्री राईद्वारा पक्की पुलको शिलान्यास

मुख्यमन्त्री राईद्वारा पक्की पुलको शिलान्यास

- Advertisement -spot_img

प्रदेश नं १ का मुख्यमन्त्री शेरधन राईले भोजपुर र उदयपुरलाई जोड्ने दुधकोशी नदीमा पक्की पुलको शिलान्यास गरेका छन् ।
भोजपुरको हतुवागढी–९ हसपुरको चुहार र उदयपुरको बेलका नगरपालिका–७ मैनामैलीलाई जोड्ने उक्त पक्की पुलको सोमबार उनले  शिलान्यास गरेका हुन्।

प्रदेश सरकार, भौतिक पूर्वाधार विकास मन्त्रालयको २१ करोड २३ लाख १२ हजार ४०७ रूपैयाँको लगानीमा निर्माण हुने सो पक्की पुलको लम्बाइ ९० मिटर र चौडाइ फुटपातसहित १० रहेको प्रदेश नं १, भौतिक पूर्वाधार विकास मन्त्रालय, यातायात पूर्वाधार निर्देशनालयका निमित्त निर्देशक रेवतीरमन पराजुलीले जानकारी दिए । उनले आगामी दुई वर्षभित्र निर्माण सम्पन्न गरिसक्नुपर्ने गरी कालिका प्यासिफिक जेभीले सो पुल निर्माणको ठेक्का लिएको बताए ।

सो अवसरमा मुख्यमन्त्री राईले सो स्थानमा पुल निर्माणको लागि यसअघि तीन पटक बोलपत्र खुलाएको भएपनि कुनै पनि निर्माण व्यवसायीले बोलपत्र नहालेपछि पुल निर्माणमा केही ढिलाई भएको जानकारी दिए । उनले भने, ‘‘यो प्रदेश सरकारको उच्च प्राथमिकतामा परेको पुल हो, यस अघि आह्वान गरिएका तीन वटा बोलपत्रमा कसैले पनि काम गर्ने इच्छा नगरेपछि काममा केही ढिलाई भएको हो । अब यसको निर्माण चाँडै हुनेछ ।’’

मुख्यमन्त्री राईले तोकिएको समयभन्दा अघि नै निर्माण सम्पन्न गर्न निर्माण कम्पनीलाई आग्रह गर्दै यदि तोकिएको समयभित्रै गुणस्तरीय रुपमा निर्माण सम्पन्न गरेमा यही स्थानमा एक कार्यक्रमका बीच निर्माण कम्पनीलाई प्रदेश सरकारको तर्फबाट पुरस्कृत गर्ने घोषणा गरे ।

प्रतिनिधिसभा सदस्य सुदन किराँतीले पुल निर्माणले भोजपुरबासीको समृद्धिमा धेरै ठूलो टेवा पुग्ने बताउँदै लामो समयदेखि पुल नहुँदा सास्ती खेप्दै आएका यस भेगका जनतालाई प्रत्यक्ष लाभ पुग्ने छ र यसले यहाँको समृद्धिको ढोका खुला गर्नेछ भने ।

हतुवागढी गाउँपालिका अध्यक्ष प्रेमकुमार राईले जिल्लाको आर्थिक विकासमा यो पुल कोशेढुङ्गा सावित हुने विश्वास व्यक्त गरे।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु