Information is intelligence
HomeInternationalट्रम्प र बाइडेनको चुनाव अघिको अन्तिम बहस

ट्रम्प र बाइडेनको चुनाव अघिको अन्तिम बहस

- Advertisement -spot_img

एजेन्सी | अमेरिकी राष्ट्रपतीय चुनावअघिको अन्तिम टेलिभिजन बहसमा राष्ट्रपति ट्रम्प र उनका डेमोक्र्याटिक प्रतिस्पर्धी जो बाइडन सहभागी भएका छन्।

राष्ट्रपतीय निर्वाचन हुन १२ दिन बाँकी हुँदा टेनेसी राज्यको नास्भिलमा जारी यो बहसमा ट्रम्प र बाइडेनबीच कोभिड-१९ विरूद्धको लडाइ, अमेरिकी परिवार, जातीय बिषय, जलवायु परिवर्तन, राष्ट्रिय सुरक्षा र नेतृत्वका विषयमा छलफलमा छन्।

बहसकी प्रस्तोता एनबीसी न्यूजकी ह्वाइटहाउस संवाददाता क्रिस्टेन वेल्करले सुरुमै ट्रम्पलाई यसै महिनाको सुरुमा भएको पहिलो राष्ट्रपतीय बहसपछि १६ हजार अमेरिकीको कोभिड-१९ बाट ज्यान गुमाएकोबारे प्रश्न सोधेकी छन् ।

महामारीको अर्को चरणमा कसरी नेतृत्व गर्नुहुन्छ भनेर सोध्दा ट्रम्पले खोप आउन लागेको जानकारी दिए । ‘हामीसँग खोप छ । त्यो आउँदैछ । त्यो तयार भइसकेको छ । त्यो केही सातामै घोषणा हुँदैछ,’ उनले भने ।

ट्रम्पका प्रतिस्पर्धी बाइडनलाई पनि सुरुमा कोरोनाभाइरस देखा परेको चीनलाई सजाय दिन के गर्नुहुन्छ भनि पहिलो प्रश्न सोधिएको छ । त्यसमा बाइडनले चीन अन्तर्राष्ट्रिय नियम अनुसार चल्न पर्ने बताए । कोरोना भाइरसको साटो ब्यापार र अर्थतन्त्रलाई जोडेर जवाफ दिएका बाइडनले भने, ‘म चीनले अन्तर्राष्ट्रिय नियम अनुसार चलोस् भन्ने चाहन्छु।’

ट्रम्पका एकजना रणनीतिकारले भने ट्रम्पले जो बाइडनलाई बोल्न दिएर उनलाई गल्ती गर्न दिनुपर्ने बताए।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु