Information is intelligence
HomeSportsमैदानमा फर्के रोनाल्डो, युभेन्ट्सको जीत

मैदानमा फर्के रोनाल्डो, युभेन्ट्सको जीत

- Advertisement -spot_img

पोर्चुगिज स्टार क्रिस्टियानो रोनाल्डोले उत्कृष्ट प्रदर्शन गरेपछि इटालियन सिरि एमा युभेन्ट्स विजयी भएको छ । दोस्रो हाफमा मैदान प्रवेश गर्दै रोनाल्डोले २ गोल गरेपछि युभेन्ट्सले स्पेजियालाई उसकै मैदानमा ४–१ले हरायो ।

युभेन्ट्सको जीतमा स्टार फरवार्ड क्रिस्टियानो रोनाल्डोले २ गोल गरे । त्यसैगरी अल्भारो मोराटा र एड्रियन रेबियटले १ १ गोल गरे ।

खेलको १६ औं मिनेटमा स्पेनिस फरवार्ड अल्भारो मोराटाले युभेन्टसलाई अग्रता दिलाएका थिए । घरेलु टोलीले ३२ औं मिनेटमा टोमासो पोबेगाको गोलमा खेल बराबरी गर्यो ।

५६औं मिनेटमा पउलो डिबालाको स्थानमा मैदान प्रवेश गरेका रोनाल्डोले त्यसको ३ मिनेटमै गोल गरे । ७७औं मिनेटमा पाएको पेनाल्टीमा पनि रोनाल्डोले गोल गरे । त्यसअघि ६८औं मिनेटमा एड्रीएन राबीओटले पनि गोल गरेका थिए । यसरी युभेन्ट्स खेलमा ४-१ ले विजयी भयो ।

१९ दिन आइसोलेसनमा बसेर कोरोना मुक्त भएका रोनाल्डोले कोरोना संक्रमणपछि पहिलो खेलमै आफ्नो प्रभाव जमाउन सफल भए । तीनसाताअघि इन्टरनेश्नलर ब्रेकका क्रममा रोनाल्डोलाई कोरोना संक्रमण भएको थियो ।

जितसँगै युभेन्ट्सले ६ खेलमा १२ अंक जोडेको छ । युभेन्ट्स दोस्रो स्थानमा रहेको छ । स्पेजिया ६ खेलमा ५ अंक जोडेर १६ औं स्थानमा रहेको छ ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु