Information is intelligence
HomeScience & Technologyह्वाट्सपमा नयाँ फिचर, सात दिनमा आफैं गायब हुनेछ मेसेज

ह्वाट्सपमा नयाँ फिचर, सात दिनमा आफैं गायब हुनेछ मेसेज

- Advertisement -spot_img

ह्वाट्सएपमा चाँडै नै तपाईंले ‘डिस्अपियरिङ मेसेज’ को नयाँ विकल्प पाउनुहुनेछ जसमार्फत् मेसेज पठाउने र मेसेजज प्राप्त गर्नेबीच भएको च्याट सात दिनमा आफसे आफ गायब हुनेछ ।

अर्थात् यदि तपाईंले यो विकल्प इनेबल गर्नुहुन्छ भने सात दिन पुरानो मेसेज आफैं हट्नेछ ।

फेसबुकको स्वामित्व रहेको यो एपमा संसारभरीका दुई अर्ब प्रयोगकर्ता छन् ।  फोटो वा भिडियोलाई सात दिनपछि पनि आफैंसँग राख्न चाहनेले पहिले नै यसको स्क्रिनसट लिएर राख्न सक्छन् वा त्यो फरवर्ड गर्न सक्छन् ।

अर्थात्, तपाईंले डिस्अपेयरिङ मेसेजको विकल्प चुनेता पनि पठाएका व्यक्तिले मेसेजलाई कतै सेभ गरेर राख्न भने सक्छ ।

यो नयाँ विशेषता यो वर्षको नोभेम्बरको अन्त्यसम्म देख्न सकिनेछ ।

एक ब्लगमा कम्पनीले भनेको छ, ‘मेसेज सात दिनमा एक्सपायर हुने विकल्पले तपाईंको कुराकानी परमानेन्ट छैन भनेर दिमागलाई शान्ति दिनेछ । ’

फेसबुकका संस्थापक मार्क जुकरबर्गले सन् २०१९ अप्रिलमा प्रयोगकर्तालाई थप गोपनियता प्रदान गर्नका लागि सोसल नेटवर्कमा थुप्रै परिवर्तन ल्याउने बचन दिएका थिए ।

उनीद्वारा प्रस्तावित परिवर्तनको विकल्पमा सामग्री असाध्यै कम समयसम्म सोसल नेटवर्कमा रहनु थियो । डिस्अपेयरि मेसेज यही विकल्पको हिस्सा हो । –बीबीसी

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु