Information is intelligence
HomePoliticsराष्ट्रपति पदको मर्यादा र गरिमा उल्लंघन :भीम रावल

राष्ट्रपति पदको मर्यादा र गरिमा उल्लंघन :भीम रावल

- Advertisement -spot_img

नेपाल कम्युनिष्ट पार्टी (नेकपा) का नेता भीम रावलले नेकपाको आन्तरिक मामिलाको सन्दर्भमा राष्ट्रपति पदको मर्यादा उल्लंघन भएको बताएका छन् ।

पार्टीको आन्तरिक राजनीतिक समस्यामा कुनै पक्षलाई साथ दिँदै राष्ट्रपति सक्रिय हुँदा पदको मर्यादा उलंघन हुने र स्थापित प्रणालीको अवज्ञा हुने उनको भनाइ छ । राष्ट्रपति भण्डारीले नेकपा उपाध्यक्ष वामदेव गौतम र गृहमन्त्रीसमेत रहेका नेता रामबहादुर थापा ‘बादल’सँग नेकपा विवाद समाधानको विषयमा छलफल गरेकोप्रति लक्षित गर्दै रावलले यस्तो बताएका हुन् ।

सामाजिक सञ्जाल ट्वीटरमार्फत उनले नेकपाको आन्तरिक राजनीतिक समस्यामा कुनै एक पक्षलाई साथ दिँदै सक्रिय हुनु भनेको राष्ट्रपति पदको मर्यादा उलंघन र स्थापित प्रणालीको अवज्ञा ठहरिने बताएका हुन् ।

‘नेकपाको आन्तरिक राजनीतिक समस्यामा कुनै एक पक्षलाई साथ दिंदै राष्ट्रपति सक्रय रहनुभएको समाचार आइरहेको छ,’ नेता रावलले शुक्रबार ट्विटरमा लेखेका छन्, ‘यदि यस्तो गरिएको हो भने यो राष्ट्रपति पदको मर्यादा र गरिमाको उल्लंघन, स्थापित प्रणालीको अवज्ञा र नेपाको संस्थागत सञ्चालनको मार्गमा अवरोध सिर्जना गर्ने गलत काम ठहरिने छ ।’

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु