Information is intelligence
HomeHistoryरत्नपार्कको नाम परिवर्तन गर्नु दुई कारणले अनुचित : राप्रपा (विज्ञप्तिसहित)

रत्नपार्कको नाम परिवर्तन गर्नु दुई कारणले अनुचित : राप्रपा (विज्ञप्तिसहित)

- Advertisement -spot_img

काठमाडौं । रत्नपार्कको नाम परिवर्तन गर्न लागेकोप्रति राष्ट्रिय प्रजातन्त्र पार्टी (राप्रपा) ले आपत्ती जनाएको छ । काठमाडौं महानगरपालिकाले गरेको उक्त निर्णय फिर्ता लिन समेत राप्रपाले आग्रह गरेको छ ।

दशकौँदेखी नामाकरण हुँदै आइरहेका संरचनाहरुको नाम परिवर्तन गर्नु उचित नरहेको समेत राप्रपाको ठहर छ ।
सोमवार अध्यक्षत्रयले एक विज्ञप्ति जारी गर्दै राजा महेन्द्रको रानी मुमा वडामहारीको नामबाट नामाकरण गरिएका संरचनाहरुको नाम परिवर्तन गर्नु दुइ कारणले अनुचित भएको बताइएको छ ।

राजा महेन्द्रको रानी मुमा वडामहारानीको नाममा झण्डै आधा शताब्दीदेखि नामाकरण गरिएको रत्न पार्कको नाम बदल्नु दुई कारणले अनुचित ठान्दछौं । पहिलो यो कार्यले मुमा बडामहारानी रत्नप्रति अन्याय भएको छ । दोश्रो, यो नामाकरणले नेपालको मौलिक संस्कृतिका एक धरोहरको अवमुल्यन गरेको छ ।” विज्ञप्तिमा भनिएको छ ।

त्यस्तै राप्रपाले संखधर शाख्वाको योगदान गराउँदै उनीजस्ता राष्ट्रिय विभुतिहरुको नामबाट संरचना बनाउनु राम्रो भएपनि यसक्रममा दशकौँदेखि नामाकरण भएर आएका संरचनाको नाम अचानक बदल्नु उचित नभएको जारी विज्ञप्तिमा भनिएको छ ।

विज्ञप्तिमा भनिएको छ, “संखधर शाख्वा हाम्रो देशको मौलिक संस्कृति र सभ्यताको धरोहर व्यक्तित्व हुन् र राष्ट्रिय विभुति हुन् । यस्ता व्यक्तित्वहरु समस्त नेपालीका आदरणीय हुन् र राष्ट्रले उनिहरुको सम्मान गर्नु पर्दछ । यस क्रममा उनिहरुको नामबाट देशका विभिन्न संस्था, योजना, संरचना र उपलब्धीको नामाकरण हुनु स्वाभाविक भन्ने हामी ठान्दछौं । तर यस क्रममा दशकौंदेखि नामाकरण भएर आएका संरचनाको नाम आज अचानक बदल्नु उचित होइन ।

रत्नपार्कको सुरूवाती स्वरूप (वि.संं २०२२) | Old photo of NEPAL

वि.सं २०२१ सालमा निर्माण सम्पन्न भएको रत्नपार्कमा तत्कालीन राजा महेन्द्रले रानी रत्नराज्यलक्ष्मी शाहको नाममा गर्न लगाएका थिए। वि.संं २०१८ सालमा एक कमिटी गठन गर्दै महेन्द्रले रत्नपार्कको निर्माण गर्न लगाएका थिए।

पञ्चायतकालमा अञ्चलाधीशको कार्यालयले यसको रेखदेख गर्ने गर्दथ्यो। तर वि.संं २०३३ सालमा भने तत्कालिन श्री ५ को सरकारले सार्वजनिक उद्यान तथा सभागृह विकास समिती गठन गर्दै यसको रेखदेखको जिम्मा लगाएको थियो। पञ्चायत अन्त्य भएपछि पनि लामो समयसम्म यहि समितीलेनै यसको रेखदेख गर्दै आएको थियो तर वि.सं. २०५८ चैत्र ५ गतेको मन्त्रीपरिषदको निर्णयले सो समितीलाई महानगरपालिकामा गाभ्ने निर्णय गरेपछि यसको स्वामित्व महानगरपालिकालाई आएको थियो। महानगरपालिकामा आएपछि पनि पार्क लामो समय व्यवस्थित हुन सकेन्। पर्खालको मर्मत सम्भार र महानगरपालिकाले उचित चासो नदिँदा पार्क लामो समय अव्यवस्थित रह्यो।

वि.संं २०७१ वैशाखमा महानगरपालिकाले पुनर्निर्माणको लागि रत्नपार्कलाई पूर्ण रुपमा बन्द गरेेको थियो। २०७१ मंसिरमा सम्पन्न भएको सार्क शिखर सम्मेलनलाई लक्षित गर्दै महानगरपालिकाले यसको पुनर्निर्माण गरेको थियो। झण्डै १५ महिना बन्द भएपछि खुलेको रत्नपार्क प्रवेशमा वि.संं २०७२ असार १५ गतेदेखि प्रवेश शुल्क लागु गरिएको छ ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु