Information is intelligence
HomeNewsअर्को हप्तादेखि नै कोरोनाको भ्याक्सिन लगाउन सुरु गरिने

अर्को हप्तादेखि नै कोरोनाको भ्याक्सिन लगाउन सुरु गरिने

- Advertisement -spot_img

बेलायतले कोरोना भाइरसविरुद्धको खोप प्रयोगका लागि अनुमति दिएको छ ।

अमेरिकी फाइजर तथा जर्मन बायोएनटेकद्वारा विकसित कोरोनाविरुद्धको खोपलाई बेलायतले अनुमति दिएसँगै सर्वसाधारणका लागि खोप लगाउने बाटो खुलेको छ ।

स्वास्थ्यमन्त्री म्याट ह्यानककले आउदो सातादेखि खोप दिन सुरू गरिने जनाएका छन् ।

बेलायतले खोपका लागि अनुमति दिएसँगै युरोपभर राजनीतिक तरंग उत्पन्न भएको छ । युरोपेली मुलुकमा सर्वसाधारणका लागि खोप दिने बेलायत पहिलो मुलुक भएसँगै युरोपेली युनियनका अन्य सदस्य राष्ट्रहरूमा तरंग सृजना भएको बीबीसीले उल्लेख गरेको छ ।

ब्रेक्जीटका कारण बेलायतमा चाँडो कोभिड खोपको प्रयोग स्वीकृति दिइएको स्वास्थ्यमन्त्री ह्यानककले प्रष्ट्याएका छन् ।

त्यस्तै हाउस अफ कमन्सका कन्जरभेटिभ नेता जेकब रिजमगले पनि ट्वीट गर्दै ईयू त्यागेकै कारण यति छिटो खोपलाई अनुमति दिन सकेको बताए ।

ईयूका अधिकारीहरूले त्यस्ता भनाइलाई खारेज गर्दै ईयूद्वारा स्थापित संयन्त्र नै बेलायतले पनि पछ्याएको र जुनसुकै सदस्य राष्ट्रले पनि त्यसो गर्न सक्ने बताएको छ।

ईयूको नियामक निकायले आफ्नो प्रक्रियामा ढिलाइ हुनुको कारण खोपान सामेल कडा सुरक्षा परीक्षणका नियम रहेको दाबी गरेको छ ।

बेलायतका निम्ति जर्मन राजदूत आन्द्रियास माइकेलिसले भाइरसविरुद्धको लडाई कुनै राष्ट्रिय मुद्दा नभएको भन्दै अन्तर्राष्ट्रिय सहकार्यको आवश्यकतामा जोड दिएका छन् ।

यो पनि पढ्नुहोस्:

उत्तर कोरियाली नेता किमले चिनियाँ खोप लगाएको अमेरिकी विज्ञको दाबी

कोभिड–१९ भ्याक्सिनको आशामा विश्व शेयर बजारमा उछाल

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु