Information is intelligence
HomeInternationalअमेरिकी रक्षामन्त्रीमा पहिलो पटक अश्वेत व्यक्ति

अमेरिकी रक्षामन्त्रीमा पहिलो पटक अश्वेत व्यक्ति

- Advertisement -spot_img

अमेरिकी राष्ट्रपति–निर्वाचित जो बाइडेनले रक्षामन्त्रीमा अवकाशप्राप्त जनरल लोयड अस्टिनलाई मनोनयन गरेको अमेरिकी अखबारहरुले बताएका छन् ।

६७ वर्षका जनरल अस्टिन  रक्षा मन्त्रालयको जिम्मेवारी सम्हाल्ने पहिलो अफ्रिकी–अमेरिकी हुनेछन् । ओबामा सरकार हुँदा उनले अमेरिकी सेन्ट्रल कमान्डको नेतृत्व गरेका थिए । यद्यपि, उनको नाममा संसदको स्विकारोक्ति पनि आवश्यक छ किनभने उनले अवकाश लिएको सात वर्षभन्दा पनि कम समय छ ।

बाइडेनको यो निर्णय उनको राष्ट्रिय सुरक्षा समूहका वरिष्ठ सदस्यको नामको घोषणा भएको दुई हप्तापछि आएको छ ।

बाइडेन र जनरल अस्टिनले यो मामिलामा अहिले सम्म कुनै सार्वजनिक बयान दिएका छैनन् । सुरुमा बाइडेनले वरिष्ठ पेन्टागन अधिकारी मिशेल फ्लोरनोयलाई यो पदका लागि चयन गर्ने खबर प्रकाशित भएको थियो । यदि यस्तो हुने हो भने उनी यो पदमा नियुक्त हुने पहिलो महिला हुने थिइन् ।

बाइडेनले २० जनवरीमा राष्ट्रपति पदको शपथ लिने तयारीमा छन् । राष्ट्रपति ट्रम्पले अहिलेसम्म पनि आफ्नो हार स्विकारेका छैनन् र प्रमाण पेश नगरीकनै चुनावमा धाँधली भएको दाबी गरिरहेका छन् ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु