Information is intelligence
HomeSportsयुरोपा लिगमा समूह चरणका अन्तिम खेल आज, २४ खेल हुँदै

युरोपा लिगमा समूह चरणका अन्तिम खेल आज, २४ खेल हुँदै

- Advertisement -spot_img

एजेन्सी – यूईएफए युरोपा लिगमा आज बिहीबार राति समूह चरणको अन्तिम खेलमा सबै २४ खेलमा प्रतिस्पर्धा हुँदैछ ।

समूह ‘ए’ देखि ‘एल’ सम्मका सबै खेलहरु राति ११ः४० बजे र १ः४५ बजे हुनेछ । समूह ‘ए’ मा इटालियन क्लब रोमाले अन्तिम ३२ मा स्थान बनाइसक्दा योङ ब्वाइज र सिएफआर क्लजबीच अर्काे चरण प्रवेशको लागि प्रतिस्पर्धा हुनेछ । रोमाले पीएफसी सिएसकेए सोफियासँग खेल्नेछ ।

समूह ‘बी’ मा अपराजित रहेको इंग्लिस क्लब आर्सनलले डुन्डाल्कसँग प्रतिस्पर्धा गर्नेछ । यो समूहबाट अन्तिम ३२ मा पुग्ने सम्भावना रहेका रापिड वेन र मोल्देबीच प्रतिस्पर्धा हुँदैछ ।

समूह ‘सी’ मा शीर्ष होडमा रहेको बायर लिभरकुसन र स्लाभिया प्रागबीच प्रतिस्पर्धा हुदा निस र हापोइल विर सिभाबीच प्रतिस्पर्धा हुँदैछ ।

समूह ‘डी’ मा रेन्जर्स र बेन्फिकाबीच शीर्षस्थानको लागि होड छ । रेन्जर्सले लेच पोज्नानको तथा बेन्फिकाले स्टान्डर्ड लिगसँग खेल्नेछ । दुवै खेल बराबरीमा सकिए हेड टु हेडमा रेन्जर्स अघि रहनेछ ।

समूह ‘ई’ मा ग्रानडा र पीएसभी आइन्डोभेनबीच नै शीर्षताको होड रहेको छ । ग्रानडाले पाओक सँग तथा आइन्डोभेनले ओमोनिया निकोसियासँग प्रतिस्र्धिा गर्दैछ ।

समूह ‘एफ’ मा तीन टोलीको अन्तिम ३२ मा पुग्ने सम्भावना रहेको छ । शीर्षस्थानमा रहेको नेपोलीले दोस्रो स्थानको रियल सोसिडाडसँग प्रतिस्पर्धा गर्दा एजेट अल्कामारले रिजेकासँग खेल्दैछ । समूह ‘जी’ मा लेस्टर सिटी र ब्रागाबीच शीर्षस्थानमा होड रहेको छ । लेस्टरले एइके एथेन्स र ब्रागाले जोर्यासँग खेल्दैछ ।

समूह ‘एच’ मा लिल र एसी मिलानबीच नै शीर्षताको होड रहेको छ । लिलले सेल्टिकसँग तथा एसी मिलानले स्पार्टा प्रागसँग खेल्नेछ । लिलको ११ तथा मिलानको १० अंक छ ।

समूह ‘आई’ बाट नकआउट चरणमा स्थान बनाइसकेको भिल्लारियलले क्वारावागको सामाना गर्नेछ । समूह उपविजेता बन्ने दाउमा रहेको माकावी टेल एभिभ र सिभास्पोरबी खेल हुनेछ ।

समूह ‘र्जे’ मा टोटेनहम र रोयल एन्टवेर्पबीच तथा लास्क र लुडोगारेट्स राजग्राडबी प्रतिस्पर्धा हुनेछ । टोटेनहमलाई समूह विजेता बन्न अवसर छ ।

समूह ‘के’ मा डेनामो जाग्रिव र सिएसकेए मस्को तथा वल्सवर्ग र फियोनुर्डबीच खेल हुनेछ । वल्सवर्ग र फियोनुर्डबीचको खेलपछि एक टोली नकआउट चरणमा पुग्नेछ ।

समूह ‘एल’ मा होफेनहाइन र जेन्ट तथा एफकेल क्रेभेना जेभेज्दा र स्लोभान लिवेरिकबीच प्रतिस्पर्धा हुनेछ । होफेनहाइन र क्रेभेना जेभेज्दा नकआउट चरणमा पुगिसकेको छ ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु