Information is intelligence
HomePoliticsबादल पक्षकाे छुट्टै बैठक, राजीनामा दिन दबाब

बादल पक्षकाे छुट्टै बैठक, राजीनामा दिन दबाब

- Advertisement -spot_img

गृहमन्त्री रामबहादुर थापा बादल प्रतिनिधिसभा विघटनपछिका बैठकमा प्रधानमन्त्री केपी शर्मा ओलीसँगै देखिएपछि प्रचण्ड माधव नेपाल पक्षमा उनी ओलीतिरै लागेको निष्कर्ष निस्कियो ।

बालुवाटारमै बसेको प्रचण्ड अध्यक्षताको स्थायी कमिटी बैठकमा पनि बादल गएनन् । बादल ओलीको पक्षमा रहे पनि उनी निकट देव गुरुङ,पम्फा भुसाल लगायतका नेताहरु भने ओलीको विपक्षमा छन् । बादलमाथि हिजो बेलुकादेखिनै मन्त्रीबाट राजीनामा दिन उनी निकट नेताहरुले दबाब बढाएका छन् ।

संसद भंग गर्ने सरकरको सिफारिस र राष्ट्रपतिको स्वीकृतिप्रति असहमति जनाउँदै आइतबार नै सात मन्त्रीले राजीनामा दिँदा नै बादललाई राजीनामा गर्नुपर्छ भनी उनको समूहका नेताहरुले दबाब दिए पनि मानेका थिएनन् । आज बिहान बालुवाटारमा आयोजित प्रधानमन्त्रीपक्षीय सांसदहरुको भेलामा उनी गएनन् ।

स्रोतका अनुसार,अहिले मन्त्री निवास पुल्चोकमा पूर्वमाओवादी केन्द्रको बादल समूहको बेग्लै छलफल चलिरहेको छ । उक्त समूहका नेतामध्ये स्वयं बादल र उनका सल्लाहकार सूर्यप्रकाश सुवेदी (पथिक) मात्र प्रधानमन्त्रीको पक्षमा छन् ।

अहिले पुल्चोकमा बादललाई राजीनामा गराएर कित्ता प्रष्ट पार्न दबाब दिइँदै छ । तर, राजीनामा दिने, नदिनेबारे कुनै टुंगो लागेको छैन ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु