Information is intelligence
HomeSportsमुख्य प्रशिक्षक थोमसलाई बर्खास्त गरेसंगै पीएसजीमा पोचिटिनोकाे चर्चा

मुख्य प्रशिक्षक थोमसलाई बर्खास्त गरेसंगै पीएसजीमा पोचिटिनोकाे चर्चा

- Advertisement -spot_img

एजेन्सी । टोटेनहमका पूर्व प्रशिक्षक मौरिसियो पोचिटिनोलाई पेरिस सेन्ट जर्मेन (पीएसजी)को नयाँ प्रशिक्षकको मुख्य दाबेदार मानिएको छ ।

पीएसजीले मुख्य प्रशिक्षक थोमस टुचेललाई बर्खास्त गरेसंगै पोचिटिनोको नाम चर्चामा छ ।

प्राप्त जानकारी अनुसार पीएसजीका खेलाडीले ४८ वर्षिया प्रशिक्षक क्लबमा सहभागी हुने बताएका छन् ।

पीएसजी र पोचिटिनो पछिल्ला दुई हप्तादेखि छलफलमा छन् ।

लिग वानको पछिल्लो खेलमा स्ट्रासबर्गमाथि ४–० ले जित निकालेको केही घण्टामै क्लबले टुचेललाई बर्खास्त गरेको हो । फ्रेन्च क्लबले जर्मनी प्रशिक्षकलाई बर्खास्त गरेको विषय आधिकारिक रुपमा पुष्टि गरेको छैन ।

टुचेल सन् २०१८ को जुनमा पीएसजीको मुख्य प्रशिक्षक बनेका थिए । उनले दुई लिग उपाघि सहित फ्रेन्च कप र फ्रेन्च लिग कप जितेका थिए ।

गत सिजन मात्र पीएसजी पहिलो पटक च्याम्पियन्स लिगको फाईनलमा प्रवेश गरेको थियो । उपाधि भिडन्तको सो खेल पीएसजीले १–० ले गुमाएको थियो ।

बोरुसिया डर्टमण्डका प्रशिक्षक टुचेलको सम्झौता यस सिजनको अन्त्यसंगै सकिदै थियो ।

उनी सन् २०१८ मा दुई वर्षको सम्झौता सहित क्लबमा भित्रिएका थिए । उनले स्पेनिस प्रशिक्षक उनई ईम्रीलाई स्थानान्तरण गर्दै क्लबको मोर्चा सम्हालेका थिए । सन् २०१९ को मेमा उनले क्लबसंग एक वर्षको सम्झौता नविकरण गरेका थिए ।

पीएसजी अहिले फ्रेन्च लिगको तेस्रो स्थानमा रहेको छ । शीर्ष स्थानको लियोन भन्दा एक अंक पछि छ । पीएसजी च्याम्पियन्स लिगको अन्तिम १६ मा समेत प्रवेश गरेको छ । उसले स्पेनिस महारथी क्लब बार्सिलोनालाई प्रतिद्धन्दीको रुपमा पाएको छ ।

बुधबार लिगमा प्राप्त जितले दुई हप्ताको विन्टर ब्रेक अघि पीएसजी शीर्ष स्थानको लियोन र दोस्रो स्थानको लिली भन्दा मात्र एक अंक पछि छ ।

पोचिटिनोले टोटेनहमलाई सन् २०१९ मा च्याम्पियन्स लिगको फाईनल यात्रा तय गराएका थिए । उपाधि भिडन्तमा लिभरपुलसंग टोटेनहम पराजित बनेको थियो । पछिल्लो समय पोचिटिनो पीएसजीसंग जोडिएका थिए ।

उनी सन् २००१ देखि २००३ सम्म पीएसजीबाट खेलेका थिए ।

पीएसजी पछिल्लो समय टोटेनहमका डेली अलीसंग जोडिएको छ । प्रिमियर लिगमा अली पोचिटिनोकै नेतृत्वमा डेब्यु गरेका थिए ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु