Information is intelligence
HomeInternationalचिनियाँ अर्बपति ज्याक मा, 'हराएको' आशंका

चिनियाँ अर्बपति ज्याक मा, ‘हराएको’ आशंका

- Advertisement -spot_img

चिनियाँ अर्बपति ज्याक मा दुई महिनादेखि सार्वजनिक रूपमा नदेखिएपछि उनी ‘हराएको’ आशंका गरिएको छ।  याहु न्युजले ज्याक मा हराएकोबारे समाचार प्रकाशित गरेको छ।

उक्त समाचारमा अलिबाबाका संस्थापक मा पछिल्लो समय ‘अफ्रिका बिजनेस हिरोज’मा अनुपस्थित हुनुले पनि उनी हराएको शंकामा बल पुगेको उल्लेख छ।

नोभेम्बरमा भएको उक्त ट्यालेन्ट सोको फाइनलमा मा निर्णायक बस्ने भनिएको थियो। तर पछि उनको तस्बिर वेबसाइटबाटै हटाइएको थियो। उक्त सोमा मा लगानीकर्ता हुन्। पछि अलिबाबाका अर्का अधिकारी उक्त सोमा निर्णायक भएका थिए।

कोरोना महामारीका बेला विभिन्न मुलुकमा स्वास्थ उपकरण र अन्य सामग्रीहरू दिँदै आएका मा आफ्ना गतिविधिबारे ट्वीटरमा अपडेट गरिरहन्थे।

अक्टोबर १० पछि भने उनले कुनै ट्वीट गरेका छैनन्।

पछिल्लो समय माले चिनियाँ कम्युनिष्ट पार्टीको सरकारका अधिकारीहरूको आलोचना गरेका थिए।

माको आन्ट ग्रुपले  केही समयअघि संसारकै ठूलो आइपिओ  (इनिसियल पब्लिक अफरिङ) जारी गर्न लागेको थियो। सांघाई स्टक एक्चेन्जमा अन्तिम समयमा आन्टलाई आइपिओ जारी गर्नबाट रोकिएको थियो।

माले विवादास्पद अभिव्यक्ति दिएपछि बेइजिङले उनको कम्पनीविरूद्ध एन्टी मोनोपोली अनुसन्धान सुरू गरेको छ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु