Information is intelligence
HomeEconomyप्रभु लाइफ इन्स्योरेन्सको सेयर, बजारमूल्यमा व्यापक चलखेल

प्रभु लाइफ इन्स्योरेन्सको सेयर, बजारमूल्यमा व्यापक चलखेल

- Advertisement -spot_img

आइतबार पहिलोपटक कारोबार खुलेको प्रभु लाइफको सेयरलाई नेपाल स्टक एक्सचेञ्जले १ सय ९ रुपैयाँ ५६ पैसादेखि १ सय ३ सय २८ रुपैयाँ ६८ पैसासम्मको ओपनिङ रेञ्ज दिएको थियो । यसको अर्थ यो रेञ्जको बीचमा जतिसुकै मूल्यमा पनि पहिलो कारोबार हुन सक्थ्यो ।

भर्खरै आईपीओ जारी गरेर दोस्रो बजारमा सूचीकृत भएको प्रभु लाइफको शेयरमूल्य माथिल्लो सीमामै पुगेर पहिलो कारोबार हुने अनुमान गरिएको थियो । ३ सय २८ रुपैयाँमा पहिलो कारोबार हुँदा सो सेयरको मूल्य एकैदिन ३२ रुपैयाँले बढेर ३ सय ६० रुपैयाँसम्म पुग्न सक्थ्यो । दोस्रो दिन पनि मूल्य बढ्दा सोमबार ३ सय ९६ रुपैयाँसम्ममा कारोबार हुन सक्थ्यो । यो मूल्यमा लगानीकर्ताले विस्तारै बिक्री गर्ने मात्रा बढाउँदै जान सक्थे । यसो हुँदा सेयरमूल्य प्राकृतिक रुपमा घटबढ हुने बिन्दुसम्म पुग्थ्यो ।

तर यसको विपरित पहिलो कारोबार १ सय ३७ रुपैयाँमा भइदिँदा यो सेयरको मूल्य ‘ट्रयाप’मा फसेको छ । सोमबार बजारमा इन्स्योरेन्सको ३० लाख भन्दा बढी सेयरका लागि खरिदकर्ता प्रतिक्षामा थिए । वर्तमान कारोबार प्रणाली अनुसार सबै लगानीकर्ताले १० प्रतिशत मूल्य बढेर किन्न चाहेका थिए । तर, बजारमा बेच्ने भने कोही थिएनन् ।

त्यसो त, सो कम्पनीको सेयर कारोबार नै नभएको भने होइन । आइतबार १ सय २० कित्ता र सोमबार ६२ कित्ता कारोबार भएको थियो । तर, सुरुदेखि नै १० प्रतिशत मूल्य बढेर राखिएका अर्डरले त्यहाँ सेयर पाएनन् । पहिलो दिन ४ रुपैयाँँ बढेको सेयर दोस्रो दिन ३ रुपैयाँ मात्रैले बढेर अहिले १ सय ४४ रुपैयाँ पुगेको छ । अहिले कायम भएको मूल्य नेप्सेले तोकेको पहिलो अधिकतम कारोबार मूल्यसम्म पुग्न पनि करिब ९ दिनसम्म १० प्रतिशतको दरले बढ्नुपर्छ ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु