Information is intelligence
HomeEconomy२०२०–२१ मा नेपालको आर्थिक वृद्धिदर ०.६% रहने विश्व बैंककाे प्रक्षेपण

२०२०–२१ मा नेपालको आर्थिक वृद्धिदर ०.६% रहने विश्व बैंककाे प्रक्षेपण

- Advertisement -spot_img

सन् २०२०–२१ मा नेपालको आर्थिक वृद्धिदर ०.६% रहने विश्व बैंकले प्रक्षेपण गरेको छ । विश्व बैंकले प्रकाशन गरेको ‘ग्लोबल इकोनोमी प्रोस्पेक्ट्स’ रिपोर्ट अनुसार पर्यटन क्षेत्रमा कोरोना महामारीको असर बढी परेकाले नेपालको आर्थिक वृद्धिदर सामान्य रहनेछ । प्रक्षेपण अनुसार सन् २०२१–२२ मा भने नेपालको आर्थिक वृद्धिदर २.५% पुग्नेछ । विश्व बैंकको प्रक्षेपण अनुसार समग्र दक्षिण एसियाको आर्थिक वृद्धिदर सन् २०२१ मा ३.३% रहनेछ ।

सन् २०२१ मा सबैभन्दा बढी माल्दिभ्सले ९.५% को आर्थिक वृद्धिदर हासिल गर्ने प्रक्षेपण रहेको छ । तर आर्थिक वर्ष सन् २०२०–२१ मा भारतको आर्थिक वृद्धिदर भने ९.६% ले खुम्चिने प्रक्षेपण गरिएको छ । सन् २०२१–२२ मा भने भारतको आर्थिक वृद्धिदरमा ५.४% सुधार हुने प्रक्षेपण छ ।

भारतको आर्थिक वृद्धिदर पहिलादेखि नै घट्दोक्रममा रहेको र रोजगारीको अधिकांश हिस्सा ओगटेको अनौपचारिक क्षेत्रमा महामारीको असर अधिक देखिएपछि आर्थिक वृद्धिदर ९.५% ले घट्ने प्रक्षेपण गरिएको हो । यता, सन् २०२१ मा विश्व अर्थतन्त्रमा ४% सुधार हुने विश्व बैंकले प्रक्षेपण गरेको छ ।

वर्षभर कोरोना विरुद्धको खोप सर्वत्र उपलब्ध हुने अनुमानका आधारमा विश्व बैंकले उक्त प्रक्षेपण गरेको हो । सन् २०२० मा विश्व अर्थतन्त्र ४.३% को गिरावटपछि पुनः लयमा फर्केको थियो । सन् २०२१ मा अमेरिकाको अर्थतन्त्रमा ३.५% को सुधार आउने प्रक्षेपण छ । यस्तै, चीनको अथर्तन्त्र पनि सने २०२१ मा ५% ले बढ्ने प्रक्षेपण गरिएको छ ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु