Information is intelligence
HomeSportsयुभेन्टसको जीत, रोनाल्डोको अर्को कीर्तिमान

युभेन्टसको जीत, रोनाल्डोको अर्को कीर्तिमान

- Advertisement -spot_img

एजेन्सी| एरोन रामसे र क्रिस्टियानो रोनाल्डोले खेलको अन्तिम समयमा गोल गरेपछि युभेन्टसले १० खेलाडीमा सिमित सासुलोलाई हराउँदै इटालियन सिरिए एको उपाधि होडमा आफूलाई कायम राखेको छ ।

वेल्सका मिडफिल्डर रामसेले ६ यार्ड टाढाबाट गोल गर्दै युभेलाई अग्रता दिलाए भने स्टपेज टाइममा गोल गर्दै रोनाल्डोले ३–१ का जीत सुनिश्चित गरे । पेड्रो ओबियाङले फेडेरिको किएसामाथि फल हानेपछि सासुलो दोस्रो हाफमा १० खेलाडीमा सिमित बनेको थियो ।

यसअघि डानिलोले युभेन्टसलाई अग्रता दिलाएका थिए । तर, सासुलोका लागि ग्रेगरी ड्रेफेलले बराबरी गोल फर्काएका थिए । युभेको यो लगातार तेस्रो जीत थियो ।

जीतसँगै युभेन्टस लिगको चौथो स्थानमा उक्लिएको छ । शीर्ष स्थानमा रहेको एसी मिलानभन्दा युभेन्टस सात अंकले पछि रहेको छ । तर, मिलानभन्दा युभेले एक खेल कम खेलेको छ ।

रोनाल्डोको अर्को कीर्तिमान

रोनाल्डोले खेलमा यो सिजन आफ्नो १५ औँ गोल गरे । यो गोल सँगै ३४ वर्षीय पोर्चुगिज खेलाडी पछिल्ला १५ सिजनमा युरोपको शीर्ष पाँच लिगमा लगातार १५ गोल गर्ने पहिलो खेलाडी बनेका छन् । सन् २००६–०७ सिजन यता रोनाल्डोले हरेक सिजन कम्तिमा १५ गोल गर्दै आइरहेका छन् ।

अन्य खेलमा दोस्रो स्थानमा रहेको इन्टर मिलानले तेस्रो स्थानमा रहेको एएस रोमासँग बराबरी खेल्यो ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु