Information is intelligence
HomeInternationalजी न्यूजले भन्याे– माउन्ट एभरेष्टको नाम फेरिनुपर्छ

जी न्यूजले भन्याे– माउन्ट एभरेष्टको नाम फेरिनुपर्छ

- Advertisement -spot_img

अघिल्लो दिन प्रधानमन्त्री केपी शर्मा ओलीको अन्तर्वार्ता प्रशारण गरेको भारतीय समाचार च्यानल जी न्युजले मंगलबार नेपालको सगरमाथाको अंग्रेजी नाम माउन्ट एभरेष्ट सही नभएको जिकिर गरेको छ ।

प्रधानमन्त्रीसँग अन्तर्वार्ता लिएर सगरमाथा आधार शिविर कालापत्थर पुगेका जी न्युजका सम्पादक सुधीर चौधरीले सगरमाथाको उचाइ नाप्ने भारतीय नागरिक राधानाथ सिकदरको नामबाट यसको नामाकरण हुनुपर्नेमा जर्ज एभरेष्टको नामबाट भएको दावी गरे । उनका अनुसार राधानाथले सन् १८५२ मा सगरमाथाकाे उचाइ मापन गरेका थिए ।

‘जर्ज एभरेस्टको नामबाट माउन्ट एभरेस्ट नामाकरण गरिएको हो । तर, जर्ज एभरेस्ट आफैं कहिल्यै पनि सगरमाथा आरोहण गरेनन् । सगरमाथाको उचाई मापन गर्ने व्यक्ति त हाम्रै भारतका राधानाथ सिकदर हुन्,’ नेपालका बारेमा पटक पटक विवादित समाचार सम्प्रेषण गर्ने जी न्युजका सम्पादन चौधरी थप्छन्, ‘उनीबाट खोसिएको श्रेय फिर्ता ल्याउनका लागि अभियान सुरु गर्न हामी एभरेष्ट पुगेका हौं ।

जी न्युजले केहि समयअघि प्रधानमन्त्री ओली र चिनियाँ राजदूत होङ यान छीबीचको काल्पनिक सम्वाद प्रशारण गरेको थियो । त्यसको चर्को बिरोध भएपछि नेपाली केवल अपरेटरहरुले भारतीय समाचार च्यानलको प्रशारण रोक लगाएका थिए ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु