Information is intelligence
HomeSportsपिएसजीका प्रशिक्षकलाई कोरोना भाइरस,अन्य यी खेलाडी पनि संक्रमित

पिएसजीका प्रशिक्षकलाई कोरोना भाइरस,अन्य यी खेलाडी पनि संक्रमित

- Advertisement -spot_img

पेरिस सेन्ट जर्माइनका प्रशिक्षक माउर्सियो पोचेन्टिहोलाई कोरोना भाइरसको संक्रमण देखिएको छ । आइशोलेसनमा बसेका पोचेटिन्हो शनिबार एंगर्सविरुद्धको लिग वान म्याचमा उपस्थित नहुने क्लबले जनाएको छ ।

यस खेलमा पिएसजीको प्रशिक्षकको भूमिका सहायक प्रशिक्षकहरु जेसस पेरेज र मिगुईल डि अगस्टिनोले निर्वाह गर्नेछन् । शनिबारको खेलमा कोलिन डाग्बा, थिलो केहरर र राफिन्हा पनि उपस्थित हुनेछैनन् । उनीहरुमा पनि कोरोना संक्रमण देखिएको छ । जुआन बर्नटले घुँडाको चोटका कारण खेल गुमाउँदैछन् भने गोलकिपर अलेस्यान्द्रे लिट्टिललायर जोर्नीको समस्याका कारण उपलब्ध हुनेछैनन् ।

पोचेटिन्होले यसै महिना क्लब सम्हालेयता पिएसजीले दुई खेल जितेको छ भने एक खेल बराबरी खेलेको छ । बुधबार मार्सेलीलाई २–१ ले हराउँदै पिएसजीले ‘ट्रफी देस च्याम्पियन्स’ जितेको थियो । पोचेटिन्होको नेतृत्वमा पिएसजीले जितेको यो पहिलो उपाधि हो । फ्रेन्च लिगमा पिएसजी दोस्रो स्थानमा छ । १९ खेलको समाप्तीमा पिएसजीले ३९ अंक जोडेको छ भने शीर्ष स्थानको लायोनको ४० अंक छ ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु