Information is intelligence
HomeEDITORIALगरी खान देउ !!!

गरी खान देउ !!!

- Advertisement -spot_img

केही वर्ष अघिसम्म काठमाडाैँलगायत देशका विभिन्न शहरका भित्ताहरूमा देखिने गरिखान देउ !!! भन्ने नारकाे तात्पर्य गाैण थियाे । हरकाेही यसलाइ काेही कसैकाे फगत नारा सम्झिन्थे ।

तर अहिले हर नेपालीहरूकाे मनमा यही नारा गुम्सिरहेजस्ताे देखिन्छ । देशमा राजनैतिक अस्थिरताकाे अन्त्यका लागि भन्दै भाेट मागेर जितेकाहरू नै नेपाल बन्द र हड्ताल गरेर पुनः अस्थिरतातर्फ उन्मुख भैरहेका छन् ।

नेकपा प्रचण्ड माधव नेपाल पक्षले गरेकाे देशव्यापी आमहड्तालका कारण आज देशैभरका मुख्य शहरलगायत भित्री शहरहरूमा समेत उद्याेग , व्यवसाय बन्द भएका छन् । दैनिक ज्याला मजदूरी गरेर छाक टारीरहेकाहरूकाे छाक बन्द भएकाे छ ।

काेभिड १९ माहामारीले तहसनहस बनाएकाे आम जनताकाे दैनिकीमा भर्खरैमात्र मुना पलाउन लागेकाे थियाे । तर, सरकार लगायत अन्य राजनैतिक दलहरूकाे अहम र अदूरदर्शीताकाे मारमा जनताले फेरी एक छाक खान पनि धाै धाै पर्ने अवस्था आइपुगेकाे छ ।

जनताकाे घर भत्काएर राज्यकाेषबाट अर्बाैँकाे दान गर्ने सरकार देशैभरिबाट जनता बटुल्न लागि परिरहेकाे छ भने सरकारकै एक टुक्रालगायत अन्य दलहरू त्यसकाे प्रतिवाद गरिरहेका छन् । कार्यकर्ताहरूलाइ त रमाइलाे नै भएकाे हाेला तर आम जनतालाइ भने जाडाेमा एकसराे न्यानाे कपडाकाे आवश्यकताकाे महसुस भैरहेकाे छ , न कि एकदिन बालिने आगाेकाे ।

जनताहरूले मनमनै भनिरहेकाे भान हुन्छ ‘गरिखान देउ।’

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img

LEAVE A REPLY

Please enter your comment!
Please enter your name here

सम्बन्धित खवर

- Advertisement-spot_img

ट्रेन्डिङ

सिफारिस

धेरै कमेन्ट गरिएका

साताका समाचारहरु