Information is intelligence
HomeNewsमाटोको ढिस्कोले पुरिएर तीन जनाको मृत्यु

माटोको ढिस्कोले पुरिएर तीन जनाको मृत्यु

- Advertisement -spot_img

कैलालीको जानकी गाउँपालिका-९ पूर्वी खैरीफाँटामा माटोको ढिस्कोले पुरिएर तीन जनाको मृत्यु भएको इलाका प्रहरी कार्यालय, टीकापुरले जनाएको छ। घर लिपपोतका लागि माटो लिन गएका स्थानीय १७ वर्षीया धनसरी विक, २० वर्षीया भावना ओड र ३१ वर्षीया गंगा जैगडीको मृत्यु भएको इलाका प्रहरी कार्यालय, टीकापुरका डिएसपी मधुसुदन न्यौपानेले बताए।

ढिस्कोमा पुरिँदा स्थानीय काजल विक र अञ्जु जैगढी घाइते भएका छन्। उनीहरुको टीकापुर अस्पतालमा उपचार भइरहेको छ।

उनीहरु घर लिपपोतका लागि माटो लिन गाउँनजिकैको जंगलमा गएका थिए। माटो खन्ने क्रममा खसेको ढिस्कोले पाँचै जना पुरिएको डिएसपी न्यौपानेले बताए। उनीहरुमध्ये तीन जनाको घटनास्थलमै मृत्यु भएको हाे।

माटोको ढिस्कोले पुरिएको खबर पाएपछि स्थानीयवासी र प्रहरीले उद्धार गरेकाे हाे।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु