Information is intelligence
HomeNewsवडा सदस्यको घरमा युवती मृत भेटिइन्

वडा सदस्यको घरमा युवती मृत भेटिइन्

- Advertisement -spot_img

कैलालीको गौरीगंगा नगरपालिका–३ का वडा सदस्य निरज चौधरीको घरमा एक युवती मृत अवस्थामा भेटिएकी छन्।

जिल्ला प्रहरी कार्यालय कैलालीका प्रवक्ता डीएसपी प्रतीक विष्टका अनुसार सोही ठाउँकी २३ वर्षीया अज्जिता चौधरी वडा सदस्यको घरको कोठामा झुण्डिएको अवस्थामा आइतवार मृत भेटिएकी हुन्।

घटना शंकास्पद भएको भन्दै मृतकका परिवारले हत्याको आशंका गरेका छन्।

‘घटनाको खबर पाएपछि हाम्रो टोली घटनास्थल पुगेको छ’, डीएसपी विष्टले भने, ‘अनुसन्धान सुरु भएको छ, विस्तृत विवरण आइसकेको छैन्।’

प्रहरीका अनुसार कोठामा चुकुल लगाएको अवस्थामा अज्जिता मृत भेटिएकी हुन्। वडा सदस्य चौधरी गौरीगंगा नगरपालिका–३ का कार्यवहाक वडाध्यक्ष हुन्।

पारिवारिक स्रोतका अनुसार मृतक अज्जिता र वडा सदस्य चौधरीबीच ‘प्रेम सम्बन्ध’ रहेको खुलेको छ। चौधरी अहिले फरार रहेको र उनको खोजी कार्य भइरहेको प्रहरीले जनाएको छ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु