Information is intelligence
HomeEconomyनेप्से ४० अंकले बढ्दा निफ्राको मात्रै साढे ४४ करोडको कारोबार

नेप्से ४० अंकले बढ्दा निफ्राको मात्रै साढे ४४ करोडको कारोबार

- Advertisement -spot_img

सोमबार शेयर बजार परिसूचक, नेप्से ४०.६४ अंकले बढेर २,५१५.०३ बिन्दूमा पुगेको छ ।

आज सबै समूहका परिसूचक हरियाली भएको छ । ट्रेडिङ समूहको परिसूचक सबैभन्दा उच्च ३.३२ प्रतिशतले बढेको छ । त्यस्तै होटल र टुरिजम समूहको परिसूचक पनि २.७१ प्रतिशतले बढेको छ भने वित्त कम्पनी समूहको परिसूचक २.०४ प्रतिशतले बढेको छ ।

आज शेयर बजारमा सबैभन्दा ठूलो सेयर कारोबार निफ्राकै भएको छ । सोमबार निफ्राको सेयर मूल्य ४.१३ प्रतिशतले बढेर अन्तिम कारोबार मूल्य ५२९ रुपैयाँ कायम भएको छ ।

सोमबार निफ्राको मात्रै ४४ करोड ४८ लाख ५२ हजार ६ सय ४७ रुपैयाँको सेयर कारोबार भएको छ । निफ्रापछि ठूलो कारोबार भएका कम्पनीहरूमा शिखर इन्स्योरेन्स, ग्लोबल आइएमइ बैंक, नेपाल बैंक लिमिटेड तथा नेपाल लाइफ इन्स्योरेन्स कम्पनी रहेका छन् ।

आज बढी कमाउनेमा चन्द्रागिरि हिल्स रहेको छ । चन्द्रागिरी हिल्सको सेयर मूल्य ९.९० प्रतिशत बढेर अन्तिम कारोबार मूल्य ४५५ रुपैयाँ कायम भयो ।

शेयर बजारमा अत्याधिक खरिद वा बिक्रीको चाप हुँदा दैनिक कारोबार १० अर्ब रुपैयाँको कारोबार नाघेकोमा सोमबारको कारोबार औसत देखिएको छ । सोमबार नेप्सेमा २०९ कम्पनीको ५ अर्ब ६९ करोड २३ लाख १६ हजार आठ सय ३१ रुपैयाँ मूल्यका १ करोड १८ लाख ३८ हजार चार सय ८८ कित्ता सेयर ७० हजार तीन सय ३९ कारोबारमार्फत् खरिद–बिक्री भएको छ ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु