Information is intelligence
HomeSportsयुनाइटेड र आर्सनल क्वाटरफाइनलमा, टोटेनहम बाहिरियाे

युनाइटेड र आर्सनल क्वाटरफाइनलमा, टोटेनहम बाहिरियाे

- Advertisement -spot_img

इंग्लिस क्लब म्यानचेस्टर युनाइटेड र आर्सनल युरोपा लिग फुटबलको क्वाटरफाइनलमा प्रवेश गर्दा टोटेनहम भने अन्तिम १६ बाटै बाहिरिएको छ।

बिहीबार राति भएको अन्तिम १६ को दोस्रो लेगका खेलहरु सकिएसँगै क्वाटरफाइनल समीकरणसमेत पूरा भएको छ। टोटेनहम डाइनामो जाग्रेबसँग समग्रमा ३–२ गोलअन्तरले पराजित हुँदै प्रिक्वाटरफाइनलबाटै बाहिरिएको हो।

बिहीबार राति दोस्रो खेलमा घरेलु टिम डाइनामोसँग ३–० ले पराजित हुँदै टोटेनहम बाहिरिएको हो। यसअघि पहिलो लेगमा भने टोटेनहमले २–० ले जितेको थियो।

म्यानेचेस्टर युनाइटेडले भने युरोपा लिगको क्वाटरफाइनलमा स्थान बनाएको छ। चोटबाट निको भएपछि मैदान फर्किएका पाउल पोग्बाले निर्णायक गोल गरेसँगै एसी मिलानलाई हराएर म्यानचेस्टर युनाइटेड युरोपा लिगको क्वाटरफाइनलमा पुुगेको छ । दोस्रो हाफमा वैकल्पिक खेलाडीका रुपमा मैदान छिरेका पोग्बाले तीन मिनेट लगत्तै निर्णायक गोल गरेका हुन् । यससँगै मिलानको गृहमैदान सान सिएरोमा युुनाइटेड १–० ले विजयी रह्यो र समग्रमा २–१ को जित हासिल ग¥यो । यसअघि युनाइटेडको गृहमैदान ओल्ड ट्राफोडमा दुुई टोलीबीच पहिलो लेगमा १–१ गोलको बराबरी भएको थियो ।

त्यसैगरी, आयाक्सले योङ ब्वाइजलाई समग्रमा ५–० ले पराजित गर्दै क्वाटरफाइनलमा स्थान बनाएको छ। भिल्लारियलले डाइनामो किभलाई, रोमाले शाख्तर डोनेस्कलाई, ग्रानाडाले मोल्डेलाई र स्लाभिया प्रागले रेन्जर्सलाई पराजित गर्दै युरोपा लिगको क्वाटरफाइनलमा स्थान बनाए।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु