Information is intelligence
HomeEducationचैत १० पछि लाेकसेवा आयाेगका काम बन्द हुने अवस्थामा , नियमित परीक्षा...

चैत १० पछि लाेकसेवा आयाेगका काम बन्द हुने अवस्थामा , नियमित परीक्षा के हाेला ?

- Advertisement -spot_img

६ वर्षकाे कार्यकाल पुरा गरी चैत ६ गतेबाट अवकाश पाउन लागेका लाेकसेवा आयाेगका अध्यक्ष उमेश मैनाललीले चैत १० पछि लाेकसेवा आयाेगका सबै काम राेकिने अवस्थामा रहेकाे बताएका छन् ।

लाेकसेवा आयाेगका पदाधिकारीहरू अध्यक्ष उमेश मैनाली सदस्यहरू विन्द्रा हाडा भट्टराई, अशोककुमार झा, बह्मदेव राय र कृष्णचन्द्र झाले २०७१ चैत ११ शपथ गरेका थिए ।जसकाे समयावधि चैत १० गते पूरा हुँदैछ । नयाँ पदाधिकारी नियुक्तिका लागि हालसम्म कुनै प्रकृया सुरू भएकाे छैन ।

संविधानको धारा २८४ को उपधारा (३) मा ‘संवैधानिक परिषदले प्रधानन्यायधीश वा कुनै पनि संवैधानिक निकायको प्रमुख वा पदाधिकारीको पद रिक्त हुनुभन्दा एक महिनाअगावै यस संविधान बमोजिम नियुक्तिको लागि सिफारिस गर्नुपर्नेछ’ भनिएको छ ।

पदाधिकारीविहिन भएपछि आयाेगका सबै काम राेकिने मैनालीले बताएका हुन् । उनले पदाधिकारीकाे काम कर्मचारीले गर्न नमिल्ने र पदाधिकारी नहुँदा केही काम नै नहुने बताएका हुन् । उनका अनुसार सरकारले समयमै पदाधिकारी नियुक्त नगरे कर्मचारी भर्ना आह्वान, बढुवा, लिखित परीक्षा, नतिजा प्रकाश, अन्तरर्वार्ता र नियुक्ति सफारिस लगायतका काम रोकिन्छन् ।’सेना र प्रहरीको नयाँ भर्ना विज्ञापन र परीक्षाको नतिजा प्रकाशन पनि रोकिन्छ ।

प्रधानमन्त्री केपी शर्मा ओलीले लोक सेवा आयोगमा नियुक्ति सिफारिसका लागि संवैधानिक परिषदको बैठक बोलाएका छैनन् ।आयोगमा नयाँ पदाधिकारी सिफारिस भएपछि संसदीय सुनुवाइ गरेर नियुक्ति हुन कम्तीमा एक महिना लाग्ने अध्यक्ष मैनालीको भनाइ छ ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु