Information is intelligence
HomeAgricultureकिसान केरा र तरकारी खेतीतर्फ आकर्षित

किसान केरा र तरकारी खेतीतर्फ आकर्षित

- Advertisement -spot_img

म्याग्दीको ज्यामरुककोटका किसान केरा र तरकारी खेतीतर्फ आकर्षित भएका छन् ।

अन्य बाली निर्वाहमुखी मात्र भएपछि बेनी नगरपालिका–२ ज्यामरुककोटका किसान केरा र तरकारी खेतीतर्फ आकर्षित भएका हुन् ।

धान, मकै, गहुँ लगायतका अन्नबाली उत्पादन हुने जग्गामा बेनी नगरपालिका–२ ज्यामरुककोटको खबरा र बगरफाँटका ३ दर्जनभन्दा बढी किसानले अन्नबाली हुने जमिन केरा र तरकारी उत्पादनमा उपयोग गर्न थालेका छन् ।

खबराका किसान चन्द्रबहादुर कार्कीले केरा र तरकारी खेती शुरू गरेपछि वार्षिक १२ लाख रुपैयाँसम्म आम्दानी गर्न थालेको बताए । अन्नबालीको तुलनामा केरा र तरकारी खेतीबाट ३ गुना बढी फाइदा हुने कार्कीको भनाइ छ ।

उनले करीब ४ रोपनी क्षेत्रफलमा २०० बोट केरा लगाएका छन् भने ५ रोपनी जग्गामा तरकारी खेती गरेका छन् । बजारमा तरकारी र केराको माग उच्च रहेकाले आफ्नो उत्पादनले राम्रो बजार पाएको उनको भनाइ छ ।

खबराकै अर्का किसान शोभित शर्मा (सापकोटा) ले पनि ८ रोपनी जग्गामा तरकारी र केराखेती गरेका छन् । केरा र तरकारी बेचेर वार्षिक ८ लाखभन्दा बढी कमाइ गर्दै आएका शर्माले गत वर्षदेखि विभिन्न प्रजातिका फलफूल समेत लगाएका छन् । ८ वर्षदेखि तरकारी खेती शुरू गरेका सापकोटाले यस वर्ष केराका सय बोट थपेर ७०० बोट केरा लगाउने योजना बनाएका छन् ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु