Information is intelligence
HomeHealthकाेराेनाका बिरामीहरूले गर्ने गल्तीहरू , जसले ज्यान जाेखिममा पार्न सक्छ

काेराेनाका बिरामीहरूले गर्ने गल्तीहरू , जसले ज्यान जाेखिममा पार्न सक्छ

- Advertisement -spot_img

काेराेना महामारीकाे दाेस्राे लहरले यतिबेला देशैभरी डरकाे माहाेल सिर्जना गरेकाे छ । नयाँ भेरियन्टकाे भाइरसले अझै तिब्र गतिमा आक्रमण गर्ने भएकाले सावधानी अपनाउन नेपाल सरकारले आग्रह गरिसकेकाे छ । काेराेनाबाट अति प्रभावित १४ वटा  जिल्लामा सरकारले शैक्षिक संस्थासमेत बन्द गरिसकेकाे छ भने अन्य स्थानहरूमा समेत स्वास्थ्य सुरक्षा मापदण्डकाे पालना अनिवार्य गराइसकेकाे छ ।

काेराेना भाइरसकाे लक्षण थाहा नपाएर अथवा भाइरस पाेजेटिभ देखिइसकेपछि पनि कतिपय बिरामीहरू पेनकिलर तथा एनटिबायाेटिकजस्ता औषधीहरू खाएर दुःखाइ कम गर्ने प्रयास गरिरहेकाे पाइन्छ । तर के तपाइँलाइ थाहा छ ? डाक्टरहरूकाे सल्लाह नलिइकन यस्ता औषधी खानु स्वास्थ्यका लागि कति खतरनाक छ ?

काेराेनाका एक्सपर्टहरूकाे सल्लाह मान्ने हाे भने हालसम्म काेराेनाकाे कुनै औषधी छैन । डाक्टरहरूले गर्ने उपचार भनेकाे रिकभरी नहुन्जेलसम्मका लागि राेकथाम मात्र हाे । काेराेनाकाे हल्का लक्षण देखिँदा सेल्फ आइसाेलेसनमा बस्नु नै सबैभन्दा उत्तम उपाय हाे । अत्यावश्यक अवस्थामा र बृद्ध अवस्थाका बिरामीहरूलाइ मात्र अस्पताल लैजानुपर्छ ।

कुनै वैज्ञानिक प्रमाण नभएका तर अधिकतम बिरामीहरूले अपनाउने उपायहरू यी हुन् जसले ज्यान झनै जाेखिममा पुर्याउन सक्छ ।

पेनकिलरः हल्का लक्षण देखिँदा मात्र पनि मानिसहरू पेनकिलर खाने गर्छन् । डाक्टरकाे सल्लाह बिना नै यस्ता एण्टिवायाेटिक्सहरू खानु निकै खतरनाक सावित हुन सक्छ । त्यसैले डाक्टरसँग परामर्श लिएर मात्र पेनकिलर खाने गराेैँ ।

कफ सिरपः काेराेना लागेकाे बेला खाेकीबाट राहत पाउन डाक्टरकाे सल्लाह अनुसार कफ सिरप लिन सकिन्छ तर डाक्टरकाे सल्लाहबिना नै कफ सिरप लिँदा साइड इफेक्ट पनि हुन सक्छ ।

आयुर्वेदिक उपचारः हालसम्म आयुर्वेदिक पद्धतिमार्फत काेराेनाकाे उपचार भएकाे कुनै प्रमाण फेला परेकाे छैन । त्यसैले कुनै पनि व्यक्तिकाे भरमा परी ज्यान जाेखिममा नराखाैँ ।

ब्रिटिश जर्नल ऑफ न्यूट्रिशनमा प्रकाशित एक रिपाेर्ट अनुसार काेराेना महामारीकाे समयमा शरीरलाइ स्वस्थ राख्ने खानेकुराहरू मात्र खानुपर्छ । बढी क्यालाेरी भएका खानेकुराहरू पनि यतिबेला बर्जित छन् ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु