Information is intelligence
HomeInternationalजापानमा आगामी मे ११ तारिखसम्म कोरोना संकटकाल घोषणा

जापानमा आगामी मे ११ तारिखसम्म कोरोना संकटकाल घोषणा

- Advertisement -spot_img

एजेन्सी । जापान सरकारले राजधानी टोकियासँगै, ओसाका समेतका शहर र राज्यहरुमा संकटकालको घोषणा गरेको छ । शुक्रबार बसेको जापानी कोरोना नियन्त्रण सम्बन्धि स्पेशल टास्कफोर्सको बैठकमा प्रस्तुत संकटकाल सम्बन्धि प्रस्तावलाई प्रधानमन्त्री योशिहिडो सुगाले स्विकृत गर्नूभएको अन्तराष्ट्रिय संचार माध्यमहरुले जनाएका छन् ।

प्रधानमन्त्री सुगाको सचिवालयले जनाए अनुसार, टोकियो, ओसाका, क्योटो और ह्योगो प्रांन्तमा कोरोना संकटकाल घोषणा गरिएको छ । संकटकाल घोषणा गरिएका प्रान्तमा ठुला समारोहको आयोजनमा समेत प्रतिबन्ध लगाईएको छ । सार्वजनिक यातायातका साधन बस र रेल सेवालाई साताको अन्तिम दिनमात्रै चल्ने अनुमती दिईएको छ ।

घोषित संकटकाल आगामी मे ११ सम्म कायम हुनेछ । जापानमा कोरोनाकै कारण लगाईएको यो तेश्रो संकटकाल हो । कोरोनाकै कारण जापानमा हुने ओलम्पिक समेत प्रभावित हुने सम्भावना बढेर गएको छ ।

आगामी २३ जुलाईबाट राजधानी शहर टोकियोमा हुने ओलम्पिक कोरोनाकै कारण प्रभावित हुने सम्भावना बढेको अन्तर्राष्ट्रिय संचार माध्यमहरुले जनाएका छन् । १२ करोड ६१ लाख भन्दा बढी जनसंख्या रहेको जापानमा कोरोना कै कारण एक चौथाई बासिन्दा प्रभावित भइसकेका छन् ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु