Wednesday, June 16, 2021
HomeSportsनेपाल सुपर लिगको प्लेअफ समीकरण पूरा

नेपाल सुपर लिगको प्लेअफ समीकरण पूरा

- Advertisement -
- Advertisement -spot_img

पहिलो संस्करणको फ्रेन्चाइज फुटबल प्रतियोगिता नेपाल सुपर लिग (एनएसएल)को प्लेअफ समीकरण पूरा भएको छ । शनिबारको खेलबाट ललितपुर सिटी एफसी र बुटवल लुम्बिनी एफसी प्लेअफ चरणमा पुगेका हुन् । यसअघि धनगढी एफसी र काठमाडौं रेजर्सले अन्तिम चारमा स्थान सुरक्षित गरिसकेका छन् ।शनिबार भएको खेलमा विराटनगर सिटी एफसीलाई ४–० गोलअन्तरले पराजित गर्दै ललितपुरले अघिल्लो चरणको यात्रा निश्चित गरेको हो ।

त्यसपछि साँझ भएको अर्काे खेलमा धनगढी एफसीलाई १–० गोलले पराजित गर्दै बुटवलले चौथो टोलीको रूपमा प्रतियोगिताको प्लेअफमा स्थान बनायो । पोखरा थन्डर्ससँग समान खेलबाट समान अंक भए पनि ‘हेड टु हेड’ नतिजाको आधारमा बुटवलले बाजी मारेको हो । बुटवलले यसअघि भएको खेलमा पोखरालाई २–० ले पराजित गरेको थियो ।

अब मंगलबार हुने पहिलो क्वालिफायरमा धनगढी र काठमाडौं भिड्नेछन् । यस्तै, बुधबार हुने इलिमिनेटरमा ललितपुर र बुटवल भिड्नेछन् । पहिलो क्वालिफायरको विजेता टोली सीधै फाइनलमा पुग्नेछ । पराजित टोलीले बिहीबार हुने दोस्रो क्वालिफायर खेलमा इलिमिनेटरको विजेता टोलीसँग प्रतिस्पर्धा गर्नेछ । आगामी १ जेठमा हुने फाइनल खेलमा उपाधिका लागि पहिलो र दोस्रो क्वालिफायरका विजेता भिड्नेछन् ।

- Advertisement -

LEAVE A REPLY

Please enter your comment!
Please enter your name here

ट्रेन्डिङ

सिफारिस

धेरै कमेन्ट गरिएका

सम्बन्धित खवर

लोकप्रिय