Information is intelligence
HomeInternationalपेरुको एक माओवादी गुटले गर्‍यो १४ जनाको हत्या

पेरुको एक माओवादी गुटले गर्‍यो १४ जनाको हत्या

- Advertisement -spot_img

पेरुको शाइनिङ पाथ नामक माओवादी समूहबाट छुट्टिएको विद्रोही समूहले दुर्गम गाउँमा दुई बालबालिका सहित १४ जनाको हत्या गरेको त्यहाँको सेनाले जनाएको छ ।

आइतवार गरिएको सामूहिक हत्यामा छरिएका पर्चाहरूमा स्थानीयहरूलाई आगामी महिना हुन लागेको राष्ट्रपति निर्वाचन बहिष्कार गर्न भनिएको छ । दक्षिणपन्थी उम्मेदवार केइको फुजीमोरीलाई मत दिने जोकोहीलाई गद्दार घोषणा गरिने पनि बताइएको छ ।

सेनाले यो हत्या नरसंहार भएको बताएको छ । शाइनिङ पाथले यस्ता आक्रमणलाई पहिलापहिला जातिसफाया भन्ने गरेको सेनाको भनाइ छ ।

पीडितहरूको शरीरको पहिचान नभइसकेको पनि सेनाको कथन छ ।

सन् १९९० को दशकमा निरंकुश शासन चलाएका अल्बर्टाे फुजीमोरीकी छोरी केइको निर्वाचनमा उठेकी छन् । दोस्रो चरणको निर्वाचनमा उनी र वामपन्थी शिक्षक पेड्रो कास्टिलो उठेका छन् । कास्टिलोको दल पेरु लिब्रेले ​शाइनिङ पाथ र त्यसको विद्रोही समूह एमआरटीएसँग सम्पर्क कायम गरेको बताइएको छ ।

सन् १९८० र ९० को दशकमा यी दुई समूहले राज्यविरुद्ध संघर्ष गर्दा ६९ हजारभन्दा बढी मानिस मारिएका थिए ।

एमआरटीएले छरेको पर्चामा वेश्यालय, समलिंगी, चोर र सूचना दिनेको सफाइ गर्ने चेतावनी दिइएको छ । पर्चामा मार्क्सवाद, लेनिनवाद, माओवाद जिन्दाबाद समेत लेखिएको छ ।

सामूहिक हत्या सान मिगेल दे एने नामक स्थानमा गरिएको हो । खोज पत्रकार गुस्ताभो गोरितीले भने, ‘अर्को समूहसँग यति ठूलो आक्रमण गर्ने क्षमता छैन ।’

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु