Information is intelligence
HomeSportsविराटनगरका प्रशिक्षक यानलाई १ सिजन प्रतिबन्ध

विराटनगरका प्रशिक्षक यानलाई १ सिजन प्रतिबन्ध

- Advertisement -spot_img

नेपाल सुपर लिग अनुशासन समितिले फ्रेन्चाइज टोली विराटनगर सिटी एफसीलाई कारबाही गरेको छ ।

समितिले टिमका मुख्य प्रशिक्षक यान ललाई १ वर्षको प्रतिबन्ध र ५० हजार जरिवाना तोकेको छ । क्लबका निर्देशक सोनम घले, सहायक प्रशिक्षक निशान श्रेष्ठ र सहायक व्यवस्थापक मिलन गुरुङलाई ३-३ खेलको प्रतिबन्ध लगाएको छ ।

विराटनगर सिटी एफसीलाई १ लाख जरिवाना लगाइएको छ । लिगको समूह चरणमा ललितपुर सिटीविरुद्धको खेलमा अनुशासन तोडेको भन्दै टिमलाई कारबाही गरिएको हो ।

समूह चरणको अन्तिम खेलमा ललितपुरविरुद्ध २-० ले पछि परेको अवस्थामा प्रशिक्षक यान लले आफ्ना खेलाडीलाई मैदान छाड्न भनेका थिए ।

प्रशिक्षकको निर्णयप्रति असन्तुष्ट देखिएका विराटनगरका अफिसियल पनि आक्रोशित थिए ।

प्ले अफमा पुग्न जित्नै पर्ने दबाबमा रहेको विराटनगर ४-० ले पराजित हुँदै समूह चरणबाटै बाहिरिएको थियो

समितिले यानको व्यवहार अभद्र भएको र टच लाइन पार गरेर रेफ्रीमाथि गाली गरेको आरोप लगाइएको छ ।

लले लिगमा बारम्बार रेफ्रीको निर्णयमाथि प्रश्न उठाउँदै आएका थिए । एक खेलमा त उनले लिगका रेफ्री भारतीय स्कुल स्तरका रेफ्रीभन्दा पनि तल्लो स्तरको रहेको सम्म भन्न भ्याएका थिए ।

नेपाल सुपर लिग अनुशासन समितिको यो निणर्यप्रति विराटनगरले भने आपत्ति जनाएको छ ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु