Information is intelligence
HomeNewsनेपालका लागि युएईका राजदुत र नेपाली विजनेस काउन्सिलबीच भेटवार्ता

नेपालका लागि युएईका राजदुत र नेपाली विजनेस काउन्सिलबीच भेटवार्ता

- Advertisement -spot_img

नेपाली विजनेस काउन्सिल युएई र नेपालका लागि युएईका  राजदुत साहिद हमदान अल नक्बीबीच भेटवार्ता भएको छ ।
युएईमा रहेर व्यवसायमा लागेका नेपालीहरुको  संस्था नेपाली विजनेस काउन्सिलको आयोजनामा युएईको दुबइमा उक्त भेटवार्ता भएको हो । कार्यक्रममा युएईमा रहेर व्यवसाय गरिरहेका नेपालीहरुको बाक्लो उपस्थिति रहेको थियो ।कार्यक्रममा काउन्सिलका अध्यक्ष आसिफ अलि सिद्दिकीले स्वागत मन्तव्य राख्दै युएई सरकारले नेपाललाई विभिन्न समयमा हुने समस्याहरुमा सहयोग गरेकोमा धन्यवाद दिएका थिए ।

कार्यक्रममा बोल्दै प्रमुख अतिथि नक्बीले दुई देशबीचको व्यापार विस्तारमा हुने सम्भावना र कोभिडको महामारीमा नेपाललाई सहयोग गर्ने विषयमा युएई सकारात्मक रहेको कुरा बताएका थिए ।कार्यक्रममा युएईमा रहेका नेपाली व्यवसायीहरुको परिचय र कोभिडको कारण व्यावसायमा भएको जोखिम र त्यसको न्युनीकरणको विषयमा छलफल भएको काउन्सिलका महासिचिव दिपक पौडेलले नयाँ पत्रिकालाई बताए ।

नेपालबाट दक्ष र प्राविधिक कामदारहरुलाई युएईमा सहज तरिकाले रोजगारीमा आउने व्यवस्था मिलाउने, नेपालको उत्पादन युएई र युएईको उत्पादन नेपालमा सहज तरिकाले आयात निर्यात गर्न सकिने सम्भावनाको  विषयमा पनि छलफल भएको  पौडेलले बताए । नेपाल विजनेस काउन्सिल युएईमा रहेर व्यवसायमा लागेका नेपालीहरुको युएइबाट मान्यता प्राप्त संस्था हो ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु