Information is intelligence
HomeEconomyबजेट बनाउन सुझाव माग

बजेट बनाउन सुझाव माग

- Advertisement -spot_img

दार्चुला — जिल्लाका स्थानीय तहले आगामी आर्थिक वर्ष २०७८/०७९ को बजेट निर्माणका लागि सुझाव माग गरेका छन् । जेठ तेस्रो सातादेखि आगामी आवको नीति, कार्यक्रम तथा बजेट निर्माणका लागि जिल्लास्थित सरोकारवाला पक्षबाट सुझाव माग गरिएको हो ।

महाकाली नगरपालिकाले सामाजिक सञ्जाल फेसबुकद्वारा बजेट निर्मााणका लागि सुझाव माग गरेको छ । सूचनामा नगरप्रमुख, नगरपालिकाको प्रमुख प्रशासकीय अधिकृत र योजना शाखा प्रमुखको नाम, मोबाइल नम्बर र इमेल ठेगाना तथा सूचनाको कमेन्ट बक्समा सुझाव दिन भनिएको छ ।

फेसबुक सूचनाको कमेन्ट बक्समा कोरोनाको नयाँ भेरियन्टसँग लड्न तयारी गर्नुपर्ने, निर्माणाधीन सडकहरूको स्तरोन्नति गरी सडक सञ्चालन गर्न, खलंगा बजारको खानेपानी छिटो सम्पन्न गर्न, ग्रामीण क्षेत्रमा विद्युतीकरणका लागि सम्बन्धित पक्षलाई घच्घच्याउन, बेरोजगार युवालाई कृषि वा सीप तालिमको व्यवस्था गर्नुपर्ने लगायतका सुझाव आएका छन् । कोरोना महामारी तथा निषेधाज्ञालाई मध्यनजर गरी महाकाली नगरपालिकाले आगामी आवको बजेट व्यवस्थित र कार्यान्वयन योग्य बनाउनका लागि सरोकारवाला पक्षसँग सुझाव माग गरिएको जनाएको छ । कोरोना संक्रमणका कारण यसअघिका वर्ष जस्तो भेला गरेर छलफल गरी नीति, कार्यक्रम तथा बजेट निर्माण गरिन्थ्यो । यसपालि सरोकारवाला पक्षको भेला राख्न नसकिने अवस्था भएकाले सूचना जारी गरेर सुझाव माग गर्नुपरेको महाकाली नगरपालिकाका प्रमुख हंसराज भट्टले बताए ।

उनका अनुसार कार्यक्रम तथा बजेट निर्माणका लागि नगर क्षेत्रका स्थानीयवासी र सरोकार पक्षसँग आफ्नो क्षेत्रमा के–कस्ता कार्यक्रम तथा योजना समावेश गर्ने भनी सुझाव, सल्लाह तथा प्रतिक्रिया क्षेत्रगत हिसाबले माग गरिएको हो । नगरपालिकाको आर्थिक, सामाजिक, पूर्वाधार विकास, वन वातावरण तथा विपद् व्यवस्थापन र सुशासन तथा संस्थागत विकास गरी ५ वटा क्षेत्र छुट्याइएको छ ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु