Information is intelligence
HomeNewsश्रोत नखुलेको १ करोड १७ लाख बरामद, १२ जना पक्राउ

श्रोत नखुलेको १ करोड १७ लाख बरामद, १२ जना पक्राउ

- Advertisement -spot_img

रौतहट प्रहरी प्रमुख प्रहरी उपरीक्षक शिद्धिविक्रम शाहको सक्रियतामा जिल्लाको विभिन्न नाका भएर हुदै गरेको अवैध रकमको कारोवारमा संलग्न १२ जनालाई पक्राउ गरि १ करोड १७ लाख रुपैयाँ भन्दा बढी रकम बरामद गरेका छन् ।

जिल्ला प्रहरी कार्यालयका प्रमुख भएर आएका बेलादेखि अहिले सम्म उक्त रकम बरामद भएको प्रहरी उपरीक्षक शाहले जानकारी गराएका छन् । रौतहटको औरैया , बन्जरहा , महादेवपट्टी नाकाबाट हुण्डी कारोवार गर्ने समुहका व्यक्तिलाई प्रहरीले नियन्त्रणमा लिएर कारबाही गरेका हुन् । परोहा नगरपालिका वडा नम्बर ९ रामपुर खापस्थित नेपाल–भारत सीमामा रहेका प्रहरी चौकीले चेक जाँच गर्ने क्रममा भारतबाट नेपाल तर्फ आउदै गरेको बीआर ०५आर ४५२१ नम्बरको मोटर साइकललाई रोकी चेक जाच गर्दा मोटर साइकल सवारले झोलामा लुकाएर राखेको स्रोत नखुलेको ३० लाख ७६ हजार रुपैयाँ बरामद भएको प्रहरीले जनाएको छ । स्रोत नखुलेको रकम सहित पक्राउ परेका भारत विहारको मोतिहारी जिल्ला घोडासहन बस्ने चालक बन्टी कुमार कलवार र पछाडी बसेका सोहि ठाउँ निवासी २० वर्षीय सुरज कलवारलाई सार्वजनिक गर्दै प्रहरी उपरीक्षक शाहले ९ पटक हुण्डी कारोबार गर्नेलाई पक्राउ गर्न प्रहरी सफल भएको बताए । नेपालबाट नेपाली रुपैयाँलाई भारतीय रुपैयाँ सटही गर्ने गिरोह सक्रिय भएको अवस्थामा नेपाल– भारत सीमामा त्यो गिरोहलाई न्यूनीकरण गर्न प्रहरी सक्रिय रुपमा खटेको उनले दाबी गरे ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु