Information is intelligence
HomeHealthहातपात प्रयास गर्ने पक्राउ

हातपात प्रयास गर्ने पक्राउ

- Advertisement -spot_img

दार्चुला — दार्चुलाको शैल्यशिखर नगरपालिका–९ स्थित गोकुलेश्वर अस्पतालका स्वास्थ्यकर्मीमाथि हातपात गर्न खोज्ने दुई जनालाई आइतबार दिउँसो प्रहरीले पक्राउ गरेको छ ।

स्वास्थ्यकर्मीको लापरबाहीले नवजात शिशुको मृत्यु भएको भन्दै आफन्तले अस्पतालका स्वास्थ्यकर्मीमाथि हातपात गर्न खोजेको प्रहरीले जनाएको छ ।

प्रहरीका अनुसार स्वास्थ्यकर्मीमाथि हातपात गर्न खोज्ने बैतडी डिलासैनी गाउँपालिका–६ का ३० वर्षीय लोकेन्द्रनाथ योगी र ३० वर्षीय नरेन्द्रनाथ योगीलाई पक्राउ गरिएको हो । शैल्यशिखर नगरपालिका–१ का ३२ वर्षीया बसन्तीनाथ शनिबार सुत्केरी हुन गोकुलेश्वर अस्पताल भर्ना भएकी थिइन् । महिला अस्पताल भर्ना भएको केही समयपछि शल्यक्रिया गरेर बच्चा निकालिएको थियो ।

जन्मिएको ४/५ मिनेटपछि शिशुको मृत्यु भएको हो । आक्रोशित आफन्तहरू शल्यक्रिया गर्ने क्रममा डाक्टरको लापरबाहीले शिशुको मृत्यु भएको भन्दै प्रदर्शनमा उत्रिएपछि अस्पताल तनावग्रस्त बनेको छ । मृतकका आफन्तहरूले पीडित पक्षलाई उचित क्षतिपूर्ति, दोषी चिकित्सकलाई कारबाही गर्न माग गर्दै प्रदर्शनमा उत्रिए हुन् ।

अस्पताल र स्वास्थ्यकर्मीको सुरक्षार्थ इलाका प्रहरी कार्यालय गोकुलेश्वर, प्रहरी चौकी शिखर, इलाका प्रहरी कार्यालय लटिनाथ र बैतडीबाट थप सुरक्षाकर्मी परिचालन गरिएको प्रहरी निरीक्षक नरेन्द्रबहादुर चन्दले बताए ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु