Information is intelligence
HomeEconomyलुम्बिनी प्रदेश सरकारले ३८ अर्ब बराबरको बजेट आज सार्वजनिक गर्दै

लुम्बिनी प्रदेश सरकारले ३८ अर्ब बराबरको बजेट आज सार्वजनिक गर्दै

- Advertisement -spot_img

लुम्बिनी प्रदेश सरकारले आज आर्थिक वर्ष २०७८/७९ को बजेट ल्याउँदै छ। आज दिउँसो ३ बजे प्रदेशसभामा आर्थिक मामिला तथा योजना मन्त्री बैजनाथ चौधरीले आर्थिक वर्ष २०७८/७९ को वार्षिक बजेट प्रस्तुत गर्ने  भएका छन् ।

यसअघि मुख्यमन्त्री शंकर पोखरेलले नै लगातार ३ पटक बजेट पेस गरेका थिए । प्रदेश आज चौथो पुर्ण बजेट  १ महिना अघि भौतिक योजना मन्त्रालयबाट परिवर्तन भएर आर्थिक मामिला मन्त्री बनेका बैजनाथ चौधरीले ३८ अर्बको हाराहारीमा बजेट आउने छन् ।

चालु आर्थिक वर्षका लागि ३६ अर्ब ३५ करोड बराबरको बजेट ल्याएकोमा अहिले यो वर्ष २ अर्बको हाराहारीमा बजेटको आकार बृद्धि हुने  अनुमान गरीएको  आर्थिक मामिला मन्त्रालयका एक अधिकारीले बताए ।

संघीय सरकारको अनुदानमा केहि बृद्धि भएकाले पनि बजेटको आकार बृद्धि भएको उनको भनाई रहेको छ । प्रदेश सरकारले निति तथा कार्यक्रमा  अनुसार  नै कोरोना महामारी नियन्त्रणका लागि उपचार, स्वास्थ्य पूर्वाधार, कृषि र रोजगारीलाई प्राथमिकतामा राखेर बजेट ल्याउने सरकारले जनाएको छ।

मन्त्री बैजनाथ चौधरीले सरकारले पुराना र गौरवका आयोजनालाई सक्ने गरि बजेटको व्यवस्था गरिएको तर, नयाँ ठूला आयोजना भने नथपिएको मन्त्री चौधरीले बताए।

विगतदेखि नै कृषिलाई प्राथमिकतामा राखेको लुम्बिनीले यो पटक पनि प्राथमिकतामै राखेको  हो । लुम्बिनीमा विपक्षी गठबन्धनले सरकारसँग बहुमत नभएको भन्दै निति तथा कार्यक्रम र बजेट ल्याउन नसक्ने  बताएपनि प्रदेश सरकारले स्पष्ट बहुमत रहेको भन्दै निति तथा कार्यक्रम पनि पारित गरेको छ । भने आज बजेट पेस गर्ने छ । मन्त्री चौधरीले बजेट पनि ढुक्कले पारित हुने बताए ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु