Information is intelligence
HomeNewsएमाले सक्ने योजनामा माधव नेपाल सम्मिलित विपक्षी गठबन्धन : लालबाबु पण्डित

एमाले सक्ने योजनामा माधव नेपाल सम्मिलित विपक्षी गठबन्धन : लालबाबु पण्डित

- Advertisement -spot_img

नेकपा एमालेका नेता एवम् पूर्वमन्त्री लालबाबु पण्डितले नेपाली कांग्रेस नेतृत्वको विपक्षी गठबन्धन एमाले सक्ने योजनासहित बनाइएको दाबी गरेका छन्।

एमाले मिल्ने दिशातर्फ अघि बढिरहेका बेला सोमबार दिउँसो एमालेका असन्तुष्ट नेता माधवकुमार नेपालको घरमा कांग्रेस सभापति शेरबहादुर देउवा र माओवादी अध्यक्ष पुष्पकमल दाहाल प्रचण्डसहितको बैठक बसेपछि लालबाबुले यसो भनेका हुन्।

तत्कालीन नेकपामा विवाद देखिँदा सुरुमा लालबाबु पनि माधव नेपाल समूहमै थिए। तर उनले एमाले विभाजनको पक्षमा आफू नलाग्ने भन्दै संस्थापनमै रहँदै आएका छन्।

उनले कांग्रेस र माओवादीसँग मिलेर एमाले सिद्धिने पनि बताएका छन्। माधव नेपालको यस्तो कामलाई उनले आफ्नै घरमा आगो लगाएर खुसीयाली मनाउने प्रयास भनेका छन् ।

‘अहिले नेपाली कांग्रेसको नेतृत्वमा बनेको गठबन्धन नेकपा एमालेलाई कमजोर बनाई समाप्त गर्नका लागि हो’, उनले भनेका छन्, ‘नेकपा एमालेका कोही नेता रनभुलमा आफ्नो घरमा आगो लगाएर खुसियालीमा नरमाऊ।’

उनले यस्तो कदम नसच्याए इतिहासले धिक्कार्ने पनि बताएका छन्। ‘यस्तो कामलाई इतिहासले धिक्कार्नेछ’, उनले भनेका छन्, ‘पछि आँसु पुछ्नेवाला कोही नभेटिएला। नेपालको जय होस् नेकपा एमालेको जय होस्।’

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु