Information is intelligence
HomeSportsनेदरल्यान्ड्स र अस्ट्रिया प्रिक्वार्टरमा

नेदरल्यान्ड्स र अस्ट्रिया प्रिक्वार्टरमा

- Advertisement -spot_img

नेदरल्यान्ड्स युरोकप २०२० अन्तर्गत समूह सीको विजेता टोली बनेको छ । यसअघि नै प्रतियोगिताको प्रिक्वार्टरफाइनलमा स्थान सुरक्षित गरिसकेको नेदरल्यान्ड्स सोमबार आम्स्र्टडमस्थित घरेलु मैदानमा नर्थ म्यासेडोनियालाई ३–० गोलले पराजित गर्दै समूह विजेता बनेको हो । नेदरल्यान्ड्सले समूहगत चरणमा शतप्रतिशत जित निकालेको छ । 

जियोरजिनियो विज्नाल्डमले २ र मेफिस दिपेले १ गोल गरेपछि नेदरल्यान्ड्सले नर्थ म्यासेडोनियाविरुद्ध सहज जित आत्मसात् गर्‍यो । १२ हजार दर्शक उपस्थित घरेलु जोहन क्रुफ एरेनामा नेदरल्यान्ड्सले सशक्त प्रदर्शन गरेको थियो ।

सोमबार राति एकै समयमा भएको अर्काे खेलमा युक्रेनलाई १–० ले पराजित गर्दै अस्ट्रिया पनि समूह सीबाट उपविजेताको रूपमा अन्तिम १६ को यात्रा निश्चित गरेको छ । प्रतियोगितामा अस्ट्रियाको यो दोस्रो जित हो । जितको नतिजाले युक्रेनसँग पनि अस्ट्रियालाई पछि पार्दै अघिल्लो चरण प्रवेशको अवसर थियो । यद्यपि, त्यो अवसर अस्ट्रियाले खोसिदिएको हो । 

यसका बाबजुद युक्रेनसँग अझै प्रतियोगिताको अन्तिम १६ मा पुग्ने सम्भावना छ । यद्यपि त्यसका लागि उसलाई प्रतियोगिताको बाँकी खेलको नतिजा पनि कुर्नुपर्नेछ । प्रतियोगिताको ६ समूहको तेस्रो स्थानमा रहेका ६ टोलीमध्ये उत्कृष्ट चारभित्र पर्ने टोलीले पनि प्रतियोगिताको अन्तिम १६ मा प्रवेश पाउनेछन् । नर्थ म्यासेडोनिया भने प्रतिस्पर्धाबाट यसअघि नै बाहिरिसकेको टोली हो ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु