Information is intelligence
HomeNewsकाठमाडौं उपत्यकामा आजबाट थप एक हप्ता निषेधाज्ञा : तर सार्वजनिक बस चल्ने,...

काठमाडौं उपत्यकामा आजबाट थप एक हप्ता निषेधाज्ञा : तर सार्वजनिक बस चल्ने, पसल पनि सबै खुल्ने

- Advertisement -spot_img

काठमाडौं : काठमाडौं उपत्यकाभित्र निषेधाज्ञा एक साता थप गरिए पनि आजाबाट सार्वजनिक सवारी साधन चल्ने भएका छन्। सोमवार काठमाडौं उपत्यकाभित्रका तीनवटै जिल्लाका प्रमुख जिल्ला अधिकारीको बैठेकले सार्वजनिक सवारी साधन खोल्न दिने निर्णय गरेको हो।

तर, स्वास्थ्य मापदण्ड पूरा गरेर २५ सिट क्षमताभन्दा बढी भएका सार्वजनिक सवारी साधनहरु मात्र चल्न पाउने छन्। यसमा पनि जोरबिजोर प्रणाली लागू गरिएको छ। बिहान ६ बजेदेखि साँझ ७ बजेसम्म मात्र सवारी चलाउन पाउने ललितपुर जिल्लाका प्रमुख जिल्ला अधिकारी ढुण्डीप्रसाद निरौलाले बताए।

‘२५ सिट भन्दाबढी क्षमता भएका सवारीलाई जोरबिजोरको आधारमा चल्न दिने निर्णय भएको छ,’ प्रजिअ निरौलाले भने।

निलो माइक्रोबस, ट्याम्पु लगायतका साना सार्वजनिक सवारी साधनलाई भने खोल्न नदिने निर्णय भएको छ। असार ८ गतेदेखि निजी सवारी साधनलाई समेत जोरबिजोर प्रणालीको आधारमा चल्न दिएको छ।

पसलहरु सातै दिन खुल्ने :

कोरोना संक्रमण रोकथाम तथा नियन्त्रण भन्दै काठमाडौं उपत्यकाभित्र जारी निषेधाज्ञा खुकुलो भएको छ। थप एक साताको लागि थपिएको निषेधाज्ञामा पनि अब पसलहरु भने दैनिक खुल्ने भएका छन्। यसअघि पसलहरुलाई वर्गीकरण गरेर तोकेको दिनमात्र खोल्न दिइएको थियो। अब भने सबै प्रकारका पसल सबै दिन खुल्नेछन्।

‘पसलहरुमा लगाइएको बार प्रणाली हटेको छ। अब जुनसुकै बार पनि खोल्न पाइने छ,’ काठमाडौं जिल्लाका प्रमुख जिल्ला अधिकारी कालीप्रसाद पराजुलीले भने।

तर, यसरी खोलिने पसलहरुमा समय भने तोकिएको छ। खाद्यान्नका पसलहरु भने बिहान ६ बजेदेखि साँझ ६ बजेसम्म खुल्ने छन्। त्यस्तै अन्य पसलहरुलाई भने बिहान ११ बजेदेखि साँझ ६ बजेसम्म खुल्न दिइएको छ।

होटेल, रेष्टुरेष्टको हकमा भने टकेअवे र होम डेलिभरी सेवामात्र दिन पाउने छन्।

त्यस्तै, मानिसको भिडभाड हुने क्षेत्रहरु सपिङ मल, विद्यालय, पार्टी, सेमिनार भने अझैं केही साता खुल्न नदिने समेत सहमति भएको छ।

कोरोना संक्रमण बढ्दै गएपछि वैशाख १६ गतेदेखि काठमाडौं उपत्यकाभित्र निषेधाज्ञा गरिएको हो।

- Advertisement -

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

लोकप्रिय