Information is intelligence
HomePoliticsसर्वोच्चको फैसला गलत भन्नेहरू पुनर्स्थापित संसद सदस्यबाट राजीनामा दिने आँट गर: झपट...

सर्वोच्चको फैसला गलत भन्नेहरू पुनर्स्थापित संसद सदस्यबाट राजीनामा दिने आँट गर: झपट रावल

- Advertisement -spot_img

नेकपा एमालेका सांसद झपट रावलले सर्वोच्चको फैसला गलत भन्नेहरूलाई पुनर्स्थापित प्रतिनिधि सभा सदस्यबाट राजीनामा गर्ने आँट र हिम्मत गर्न चुनौती दिएका छन्।

वरिष्ठ नेता माधवकुमार नेपालनिकट रावलले आज आफ्ना धारणा सार्वजनिक गर्दै भनेका छन्, ‘म चुनौती दिन चाहन्छु- सर्वोच्चको फैसला गलत हो भने पुनर्स्थापित भएको प्रतिनिधि सभा सदस्यबाट राजीनामा दिने हिम्मत र आँट गर। यसै पनि तिमीहरू यो प्रतिनिधि सभामा कुन मुख लिएर आउँछौं?’

नेपाल पक्षका २६ जनाले नेपाली कांग्रेसका सभापति शेरबहादुर देउवालाई प्रधानमन्त्री बनाउन हस्ताक्षर गरेका थिए। तीमध्ये २३ जना सर्वोच्चमै उपस्थित भएर हस्ताक्षर गरेका थिए। ती सांसदहरूविरूद्ध विभिन्न माध्यमबाट भ्रम छर्ने प्रयास भइरहेकोमा उनले खेद जनाएका छन्।

संविधान, लोकतन्त्र र संसदीय सर्वोच्चता बचाउने आफूहरूको कदमलाई सर्वोच्चले उचित ठहर्‍याएको उनले बताएका छन्। ‘अदालतले हाम्रो कदमलाई उचित ठहर्‍यायो भनेर दिमागलाई असन्तुलित बनाउनुको सट्टा हामी नै पो गलत रहेछौं भनेर आफ्नो अनुहार ऐनामा हेर्नु नै तिमीहरूको लागि सबभन्दा उत्तम गन्तब्य हो,’ उनले भनेका छन्।

प्रतिनिधि सभालाई षड्यन्त्रपूर्वक विघटन गर्ने देखिएपछि त्यो षड्यन्त्र विफल पार्न आफूहरूले अन्य राजनीतिक दलसँग गठबन्धन गर्नुपरेको उनको भनाइ छ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु