Information is intelligence
HomeEconomy७ हजार बढी मुद्दाबाट ४० करोड राजस्व

७ हजार बढी मुद्दाबाट ४० करोड राजस्व

- Advertisement -spot_img

उदयपुर : १ नं प्रदेश प्रहरी कार्यालय विराटनगरले आर्थिक वर्ष ०७७र७८ मा आपराधिक गतिविधिमा संलग्नमाथि कारबाही चलाउँदा ४० करोडभन्दा बढी राजस्व संकलन गरेको जनाएको छ। प्रदेश अन्तर्गत १४ वटै जिल्ला प्रहरी कार्यालयमार्फत वर्षभर ७ हजार ३ सय ८४ मुद्दा दर्ता र फस्र्योटबाट ४० करोड ७८ लाख ४२ हजार ३ सय १७ रूपैयाँ राजस्व संकलन भएको हो।

आपराधिक घटना, अदालती फैसला कार्यान्वयन, भन्सार चोरी निकासी, अवैध नदीजन्य पदार्थ दोहन, काठ चोरी निकासी तथा ट्राफिक व्यवस्थापनमा प्रभावकारी प्रहरी परिचालनबाट सो सफलता हासिल भएको प्रदेश प्रहरी प्रवक्ता एसपी नविनराज राईले बताए। उनका अनुसार ०७७ साउनदेखि ०७८ असारसम्ममा ७ हजार ३ सय ८४ वटा बिभिन्न अपराधसम्बन्धी मुद्दामाथि कारवाही भएको छ।

विभिन्न आपराधिक क्रियाकलाप आरोपमा अदालतबाट कैद सजाय र जरिवानाको फैसला सुनाइए पनि फरार रहेकालाई पक्राउ र कारबाही गर्न पनि प्रहरीलाई उल्लेख्य सफलता मिलेको उनको दाबी छ। प्रहरीले वर्षभरमा फरार ७ सय ४३ जना फरार अपराधीलाई पक्राउ गरी फैसला कार्यान्वयन गर्दा ७ सय ३५ वर्ष कैद भुक्तान भएको छ भने ४ करोड ४३ लाख ५८ हजार ९ सय २७ रूपैयाँ राजस्व संकलन भएको प्रवक्ता राईले बताए।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु