Information is intelligence
HomeShare Bazarसानिमा लाइफ इन्स्योरेन्स : नाफा २०.३ प्रतिशतले बढ्यो, ईपिएस कति ?

सानिमा लाइफ इन्स्योरेन्स : नाफा २०.३ प्रतिशतले बढ्यो, ईपिएस कति ?

- Advertisement -spot_img

सानिमा लाइफ इन्स्योरेन्स कम्पनी लिमिटेडले गत आर्थिक वर्षको चौथो त्रैमाससम्मको अपरिष्कृत वित्तीय विवरण सार्वजनिक गरेको छ । कम्पनीले सार्वजनिक गरेको उक्त विवरण अनुसार सो अवधिसम्म कम्पनीको नाफामा वृद्धि भएको छ ।

गत आर्थिक बर्षको अन्तिमसम्म आइपुग्दा कम्पनीको खुद नाफा २०.३ प्रतिशतले बढेर १० करोड २७ लाख ७६ हजार रुपैयाँ पुगेको छ । गत वर्षको सोहि अवधिमा कम्पनीले ८ करोड ५३ लाख ८४ हजार रुपैयाँ खुद नाफा कमाएको थियो । 

समिक्षा अवधीमा कम्पनीको खुद बीमा शुल्क पनि १३३ प्रतिशतले बढेर १ अर्ब ९३ करोड ५४ लाख रुपैयाँ पुगेको छ । अघिल्लो वर्षको सोहि अवधिसम्ममा कम्पनीले ८२ करोड ९३ लाख १३ हजार रुपैयाँ खुद बिमा शुल्क आर्जन गरेको थियो ।

सो अवधिसम्ममा कम्पनीले १० करोड १ लाख रुपैयाँ दाबी भुक्तानी गरेको छ ।

हाल चुक्ता पुँजी १ अर्ब ४ करोड रुपैयाँ रहेको कम्पनीको जगेडा कोषमा २४ करोड ७ लाख रुपैयाँ रहेको छ । त्यस्तै यो अवधिसम्ममा कम्पनीको जीवन बीमा कोषमा २ अर्ब १० करोड २० लाख रुपैयाँ र महाविपत्ति कोषमा २ करोड ५५ लाख ५४ हजार रुपैयाँ सन्चित छ । 

समिक्षा अवधिमा कम्पनीको वार्षिकृत प्रतिसेयर आम्दानी ७ रुपैयाँ ३४ पैसा र प्रतिसेयर नेटवर्थ ११७ रुपैयाँ ६९ रुपैयाँ रहेको छ ।

कम्पनीले साउन २० गते, बुधबारदेखि साउन २४ गते आईतबारसम्म प्रतिकित्ता १०० रुपैयाँ दरले ६० करोड रूपैयाँ बराबरको ६० लाख कित्ता आईपीओ बिक्री खुल्ला गरेको हो । जसमध्ये ५ प्रतिशत अर्थात ३ लाख कित्ता कर्मचारीहरुलाई र ५ प्रतिशत सामूहिक लगानी कोषहरुलाई सुरक्षित गरी बाँकी ५४ लाख कित्ता सर्वसाधारणलाई छुट्याइएको थियो ।

कम्पनीको आईपिओ बाँडर्फाट हिजो शनिबारमात्र सम्पन्न भएको हो । आईपीओमा २४ लाख १९ हजार ८ सय ४८ आवेदकबाट ३ करोड ६९ लाख ५१ हजार ८० कित्ता सेयर खरिदका लागि आवेदन परेको थियो ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु