Information is intelligence
HomeHealthघट्न थाले सङ्क्रमित, निको हुने दरमा वृद्धि

घट्न थाले सङ्क्रमित, निको हुने दरमा वृद्धि

- Advertisement -spot_img

साउन दोस्रो सातादेखि बढ्दै गएको कोरोना सङ्क्रमितको सङ्ख्या फेरि घट्न थालेको छ । स्वास्थ्य तथा जनसङ्ख्या मन्त्रालयले सार्वजनिक गरेको तथ्याङ्क अनुसार पछिल्लो समय कोरोना सङ्क्रमितको सङ्ख्या घट्दै गएको देखिएको छ ।

साउन दोस्रो सातादेखि घट्दै गएको कोरोना सङ्क्रमितको सङ्ख्या भदौ दोस्रो साताबाटै घट्दै जान थालेको स्वास्थ्य मन्त्रालयद्वारा जारी तथ्याङ्कले देखाउँछ । साउन २९ गते तीन हजार ९१५ जना सङ्क्रमिण थपिएकोमा आइतबार पुष्टि भएकोमा आइतबार भदौ १३ गते एक हजार ३८८ जना नयाँ सङ्क्रमित थपिएको स्वास्थ्य मन्त्रालयले जनाएको छ ।

आइतबार थपिएको नयाँ सङ्क्रमित कोरोना महामारीको दोस्रो लहर शुरु भएयताकै कम रहेको स्वास्थ्य मन्त्रालयले जनाएको छ । त्यस्तै दुई हजार २६० जना सङ्क्रमण मुक्त भएका छन् । यसैगरी, शनिबार एक हजार ८५७ जनामा सङ्क्रमित थपिएका छन् ।

सो अवधिमा दुई हजार २२२ जना सङ्क्रमण मुक्ति भएका छन् । शुक्रबार दुई हजार ६५ जनामा सङ्क्रमण पुष्टि हुँदा दुई हजार ३३७ जना निको भएका थिए । बिहीबार दुई हजार ४३३ जनामा संक्रमित थपिँदा एक हजार ९२९ जना सङ्क्रमण मुक्त भएका छन् । बुधबार दुई हजार ४८२ जनामा सङ्क्रमण पुष्टि भएको थियो । सो अवधिमा एक हजार एक हजार ७८१ जना निको भएका थिए ।

यसैगरी, मंगलबार दुई हजार ५२५ जनामा सङ्क्रमण पुष्टि भएकोमा दुई हजार ८६ जना सङ्क्रमण मुक्त भएका थिए । साथै, सोमबार एक हजार ८०१ जना सङ्क्रमित थपिएका थिए । यस दिन एक हजार ९२४ जना निको भएका थिए । आइतबार भने एक हजार ९२० जनामा सङ्क्रमण देखिएको थियो । साथै दुई हजार २४८ जना निको भएका थिए ।

एक साताको स्वास्थ्य मन्त्रालयको तथ्याङ्क अनुसार सङ्क्रमण मुक्त हुनेको सङ्ख्या धेरै देखिएको छ । नेपालमा हालसम्म कुल सात लाख ६१ हजार १२४ जना सङ्क्रमित  छन् । जसमा सात लाख १४ हजार ५२० जना सङ्क्रमण मुक्त भएका छन् । सङ्क्रमण निको हुने दर ९३.९ प्रतिशत हो । त्यस्तै, कोरोना सङ्क्रमणका कारण १० हजार ७३० जनाले ज्यान गुमाइसकेका छन् ।

सोमबार पछिल्लो २४ घण्टामा दुई हजार २९५ जना नयाँ सङ्क्रमित थपिएको स्वास्थ्य मन्त्रालयले जनाएको छ भने एक हजार ८०८ जना सङ्क्रमण मुक्त भएका छन् । त्यस्तै, पछिल्लो २४ घण्टामा १६ जना सङ्क्रमितले ज्यान गुमाएका छन् ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img

LEAVE A REPLY

Please enter your comment!
Please enter your name here

सम्बन्धित खवर

- Advertisement-spot_img

ट्रेन्डिङ

सिफारिस

धेरै कमेन्ट गरिएका

साताका समाचारहरु