Information is intelligence
HomeEntertainment & Arts‘लप्पन छप्पन २’ शिवरात्रीमा रिलिज हुने

‘लप्पन छप्पन २’ शिवरात्रीमा रिलिज हुने

- Advertisement -spot_img

दशैं अगाडि फिल्म हल खुल्ने भएपछि निर्माण भएर प्रदर्शन हुन नपाएका फिल्महरूले धमाधम आफ्नो रिलिज मिति तोक्न थालेका छन् । यस्तैमा फिल्म ‘लप्पन छप्पन २’ पनि आगामी महाशिवरात्री अर्थात १३ फागुनबाट सार्वजनिक प्रदर्शनमा आउने भएको छ । फिल्मका निर्देशन मुकुन्द भट्टले सामाजिक सञ्जाल मार्फत फिल्मको रिलिज मिति फेरि घोषणा गरेका हुन् ।

‘कोरोनाका कारण हामीले ‘लप्पन छप्पन २’ पहिले निर्धारित मितिमा रिलिज गर्न सकेनौं’ भट्टले अगाडि लेखेका छन्– ‘अब हामीले आउँदो फागुन १३ गते महाशिवरात्रीको अवसर पारेर रिलिज गर्ने योजना रहेको छ ।’
पहिलो पटक २०७६ को महाशिवरात्री रिलिज मिति तोकेको फिल्म कोरोनाको कारण सो समय रिलिज हुन सकेको थिएन । कोरोना महामारी सुरु भएपछि रिलिज अन्योल बनेको फिल्मले फेरि गत चैत २७ गते प्रदर्शन मिति तोकेको थियो । सो समय पनि कोरोनाको दोस्रो लहरका कारण फिल्म रिलिज हुन सकेन ।

फिल्ममा शिव श्रेष्ठ, सौगात मल्ल, अर्पण थापा, अनुपविक्रम शाही, शक्ति श्रेष्ठ, प्रकाश कुँवर, स्व.दीपक क्षेत्री,सरिता गिरी, एञ्जल श्रेष्ठ, अनिल खनाल, राजेन्द्र विष्ट, केरोलिन कोलिन्डा लगायतको अभिनय रहेको छ । सुरज अधिकारी र प्रजापति शिवाकोटी कार्यकारी निर्माता रहेको फिल्मको निर्मातामा चिजकुमार श्रेष्ठ, प्रकाश कुँवर, निर्मल कुमार मिश्र र सन्तोषचन्द्र भक्रेल छन् ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img

LEAVE A REPLY

Please enter your comment!
Please enter your name here

सम्बन्धित खवर

- Advertisement-spot_img

ट्रेन्डिङ

सिफारिस

धेरै कमेन्ट गरिएका

साताका समाचारहरु