Information is intelligence
HomePoliticsसंसद् विघटन गर्नु संविधानमाथि प्रहार होइनः प्रदीप ज्ञवाली

संसद् विघटन गर्नु संविधानमाथि प्रहार होइनः प्रदीप ज्ञवाली

- Advertisement -spot_img

नेकपा एमालेका प्रवक्ता प्रदीप ज्ञवालीले संविधान कार्यान्वयन सकारात्मक दिशामा गएको र यसको स्वीकार्यता बढ्दै गएको दाबी गरेका छन् । संविधान आफैंमा खराब नभए पनि त्यसको मर्मबाट विचलित भएर सत्तालिप्सा र अनैतिकता प्रकट हुनुचाहिँ चुनौती भएको उनको विश्लेषण छ ।

नेपाली रेडियो नेटवर्कको कार्यक्रम नेपाली बहसका लागि आज बिहान पत्रकार ऋषि धमलासँग कुरा गर्दै प्रवक्ता ज्ञवालीले भने, ‘हामी संविधान कार्यान्वयनमा चुकेका छैनौं, क्रमशः अघि बढ्दै गएका छौं । विगत ६ वर्षमा पचासौं कानुन बने, संविधानका प्रत्येक दफा कार्यान्वयनका क्रममा छन् । संघीयता कार्यान्वयन भएर तीनै तहका सरकार क्रियाशील छन् । विभेदको अन्त्य, समानता र सामाजिक न्याय कार्यान्वयनको प्रयास सुरु भएका छन् । बीचमा केही उतारचढावको सामना गरे पनि अब हरेक सरकारले समतामूलक समाज निर्माणका लागि संविधान कार्यान्वयन नगरी धर पाउँदैनन् ।’

संविधानमा केही विमति रहे पनि संविधानै नमान्ने कोही नभएको उनको दाबी छ । उनले थपे, ‘संविधान जारी गर्दा महन्थ ठाकुर, उपेन्द्र यादवहरुको पार्टी विरोधमा थिए । पछि उनीहरु आफैं सरकारमा गए । देश विखण्डन गर्छुु भन्ने सीकेराउत र हतियार उठाएका नेकपाको विप्लव समूह शान्तिपूर्ण बाटोमा आएका छन् । यसलाई संविधान कार्यान्वयन सकारात्मक दिशामा गएको ठानेको छु । संविधानबाट कोही असन्तुष्ट होलान्, तर संविधान नमान्ने कोही छैनन् । संघीयताको वित्तीय, प्रशासनिक र कानुनी पक्ष कार्यान्वयन भएर जनताले घरघरमै सुविधा पाएका छन् । त्यसैले संविधान स्वीकार्य बन्दै गएको छ ।’

संसद् विघटन गर्नु संविधानमाथि प्रहार नभएको पनि उनले बताए । उनले भने, ‘संसद् विघटन गर्दा संविधानमाथि प्रहार हुन्छ र रु जनताको बीचमा गएर नै लोकतन्त्र बलियो हुन्छ । तर हामीकहाँ जनताले फैसला गर्न पाउने कुरालाई अदालतमा जिम्मा लगाएका छन् । संविधानको मर्मबाट विचलन हुनुमा समस्या हो । नैतिकता र बारबन्देज नाघेर सत्तालिप्सा देखाउनु पो समस्या हो ।’

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु