Information is intelligence
HomeNewsसर्वोच्च अदालतले राजनीति गर्ने होइन्, कानुनको हेक्का राखेर चल्नुपर्छ : ईश्वर पोखरेल

सर्वोच्च अदालतले राजनीति गर्ने होइन्, कानुनको हेक्का राखेर चल्नुपर्छ : ईश्वर पोखरेल

- Advertisement -spot_img

नेकपा एमालेका महासचिव ईश्वर पोखरेलले सर्वोच्च अदालतले राजनीति गर्न नहुने बताएका छन् । आइतबार पत्रकारसँगको भेटघाट कार्यक्रममा नेता पोखरेलले सो कुरा बताएका हुन् । ‘सम्मानित सर्वोच्च अदालतले राजनीति गर्ने होइन्, कानुनको हेक्का राखेर चल्नुपर्छ,’ महासचिव पोखरेलले भने।

नेता पोखरेलले ओली सरकारले ताजा जनादेशमा जानुपर्छ भनेर संसद विघटन गरेको बताए। उनले भने,’ अहिले संसदमा तमासा देख्नु भएको छ ? संसदमा हुनेले संसदको भूमिका नै निर्वाह गर्न सकेका छैनन्।’ संसद्‍मा अवरोध कहिलेसम्म गर्नुहुन्छ भन्ने सञ्चारकर्मीको प्रश्नमा उनले सभामुखले अमर्यादित काम गरेको र त्यो नसच्याएसम्म संसद अवरुद्ध गरिरहने बताए ।

उनले आफ्नो पार्टी राष्ट्रिय राजनीतिको स्थिति कसरी सबल बनाउने भन्नेतिर अर्जुन दृष्टि रहेको बताए । आफ्नो सरकार सत्तामा रहँदा निर्वाचनका लागि गरिएको घोषणापत्रअनुसार नै काम गर्दै आएको उनको दावी छ।

‘निर्वाचनमा गरिएका प्रतिबद्धताअनुसार काम गरेका छौं, गरेका काम हेर्न सक्नुहुन्छ, ‘उनले भने। नेतृत्व छनोटलाई व्यवस्थित बनाउन प्रथम विधान अधिवेशन गरेको जानकारी दिँदै उनले मंसीरमा हुन लागेको राष्ट्रिय महाअधिवेशनमा परिस्थिति र आवश्यकता अनुसारको पदमा उम्मेदवारी दिने भन्दै तत्काल यो वा त्यो पद भनेर घोषणा गर्न नचाहेको स्पष्ट पारे।

केन्द्रीय राजनीति दुईवटा पोलमा चलेको उनको जिकिर छ। उनले भने,’ एउटा नेकपा एमाले गरेको लिड, अर्को गठबन्धनकारीहरुले गरेको लिड। एमालेले लिड गरेको पोलमा आर्थिक विकास र समृद्धिका कुरा, राष्ट्रिय स्वाभिमान र विकास निर्माणका सपनाका कुरा यो पोलको राजनीतिक छ,भने अर्को पोलमा गठबन्धनकारी शक्ति छन्। ती सबैका कुरा संविधान र कानुनअनुरुप कति छन्, सत्ताका लागि कति छन्, मूल्यमान्यताका लागि कति छन्, यहाँहरुले देख्नु भाकै छ।’

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु