Information is intelligence
HomeNewsनेकपा एसमा लागेका पाँच नेता एमालेमै फर्किए

नेकपा एसमा लागेका पाँच नेता एमालेमै फर्किए

- Advertisement -spot_img

रूपन्देही । प्युठानमा नेकपा (एकीकृत समाजवादी) छाडेर एमालेमा फर्कने नेताहरूको संख्या बढ्न थालेको छ । यसअघि नेकपा (एकीकृत समाजवादी)मा खुलेका संविधानसभा सदस्य हिराबहादुर केसी एमालेमै फर्किएपछि अरू नेताहरू पनि एमालेमै आउने कुरा भएको नेताहरूको भनाइ छ ।

२०७० को निर्वाचनमा प्यूठान क्षेत्र नम्बर २ बाट संविधानसभा सदस्यमा चुनाव जितेका केसीले एमालेमै रहेको भन्दै विज्ञप्ति जारी गरेका छन् । नेकपा (एकीकृत समाजवादी) पार्टीले उनलाई केन्द्रीय अनुशासन आयोग सदस्यमा नियुक्त गरेको थियो ।
तर, केसीले सो पद अश्वीकार गर्दै एमालेमै फर्किएको विज्ञप्तिमार्फत जानकारी दिएका छन् ।

त्यस्तै, एमाले विभाजनपछि एकीकृत समाजबादीतिर लागेका शोभाराम भण्डारी, पार्टीका प्यूठान जिल्ला सचिव दीपेन्द्र केसी तथा जिल्ला सदस्यहरू तिलबहादुर घर्ती र धर्मराज भण्डारीपनि नेकपा एमालेमै फर्किएका छन् । यसअघि संविधान सभा सदस्य धनबहादुर रायमाझी समेत एमालेमै फर्किनएका थिए । सुरु देखि ती नेताहरु नेकपा (एकीकत समाजबादी)को बैठक तथा भेलाहरुमा सक्रिय हुँदै आएका थिए।

नेताहरूले धमाधम नेकपा एस छाडेपछि नेकपा (एकीकृत समाजबादी) प्यूठानको बैठक जुम्रीमा बसेको छ। बैठकले जिल्लामा पार्टी बलियो बन्दै गएको निचोड निकाल्दै संगठन बिस्तार अभियानलाई तिब्र बनाउने निर्णय गरेको छ।

दरबार टाइम्समा प्रकाशित सामग्रीबारे कुनै गुनासो, सूचना तथा सुझाव भए हामीलाई durbartimes@gmail.com मा पठाउनु होला।

- Advertisement -spot_img
- Advertisement-spot_img

LEAVE A REPLY

Please enter your comment!
Please enter your name here

सम्बन्धित खवर

ट्रेन्डिङ

सिफारिस

धेरै कमेन्ट गरिएका

साताका समाचारहरु