durbar-times

अजाेड इन्स्याेरेन्सले लाभांश नदिने , आएमइ जनरलले दिने


अजाेड इन्स्याेरेन्सले लाभांश नदिने , आएमइ जनरलले दिने

अजोड इन्सुरेन्सका लगानीकर्ताले यसपटक कुनै पनि लाभांश नपाउने भएका छन् । कम्पनीको माघ २१ गते बसेको सञ्चालक समिति बैठकले कुनै पनि लाभांश वितरण नगर्ने निर्णय गरेको हो । यता, कम्पनीले आर्थिक वर्ष २०७६–७७ को वित्तीय विवरण स्वीकृत गरी थप स्वीकृतीका लागि बिमा समितिमा पेश गरेको जनाएको छ ।

हाल अजोडको चुक्ता पुँजी १ अर्ब रहेको छ भने यसको रिजर्भ कोषमा भने ६ करोड ६३ लाख रुपैयाँ छ । चालु आर्थिक वर्षको दोस्रो त्रैमासमा अजोडले ४ करोड ६ लाख रुपैयाँ खुद नाफा कमाएको छ । यसको प्रतिसेयर आम्दानी ८ रुपैयाँ १३ पैसा र प्रतिसेयर नेटवर्थ ११५ रुपैयाँ ६४ पैसा छ ।

त्यस्तै आइएमई जनरल इन्सुरेन्सले भने लाभांश घोषणा गरेको छ । कम्पनीको मंगलबार बसेको सञ्चालक समिति बैठकले गत वर्षको नाफाबाट ७% बोनस सेयर र कर तिर्न ०.३७ नगद लाभांश दिने निर्णय गरेको हो । सञ्चालक समितिको निर्णय नियामक बिमा समिति र आगामी वार्षिक साधारण सभाले अनुमोदन गरेपछि कार्यान्वयन हुनेछ ।

आइएमईले हाल कायम १ अर्ब ८ करोड १८ लाख ३६ हजार रुपैयाँ चुक्ता पुँजीमा उक्ता बोनस तथा नगद लाभांश प्रस्ताव गरेको हो । प्रस्तावित बोनस सेयर वितरणपछि आइएमईको चुक्ता पुँजी १ अर्ब १५ करोड ७५ लाख ८६ हजार रुपैयाँ पुग्नेछ । अघिल्लो वर्ष भने यस इन्सुरेन्सले ६% बोनस सेयर र ०.३१% नगद लाभांश वितरण गरेको थियो ।

1

८१६७ संक्रमित थपिए, ५४५५ जना कोरोनामुक्त

2

भटमास : यस्ता व्यक्तिलाई हुन्छ विष समान

3

यादव-भट्टराई पक्षले बोलायो जसपा कार्यकारिणी समिति बैठक

4

रोल्पाका अग्निपीडितलाई राहत सामग्री हस्तान्तरण

5

पूर्वप्रम देउवाले पठाए गृह जिल्लामा स्वास्थ्य सामग्री

6

आज युभेन्टस र इन्टर मिलान आमने सामने हुँदै


Share Tweet Send