https://ntc.net.np/

सर्वोच्चलाई भट्टराईको चेतावनीः अरू बाटो रोज्न नपरोस्


सर्वोच्चलाई भट्टराईको चेतावनीः अरू बाटो रोज्न नपरोस्

काठमाण्डौ | जनता समाजवादी पार्टीका अध्यक्ष एवं पूर्वप्रधानमन्त्री डा. बाबुराम भट्टराईले सर्वोच्च अदालतले प्रधानमन्त्री केपी शर्मा अ‍ोलीको गैरसंवैधानिक कदम सच्याउने आशा व्यक्त गरेका छन् । भट्टराईले सर्बोच्च अदालतले सजिलो बाटोबाट प्रधानमन्त्रीको ‘गैर संवैधानिक’ कदम नसच्याए अरु बाटो रोज्नुपर्ने चेतावनी दिएका छन् ।

संवैधानिक इजलासमा प्रतिनिधिसभा विघटन विरुद्धका रिटहरुमाथिको सुनुवाई शुरु भइरहेका बेला डा. भट्टराईले ट्वीट गर्दै अरु बोटो रोज्न नपरोस भनेका हुन् ।

बुधबार ट्वीटरमार्फत अध्यक्ष भट्टराईले आजबाट सबैको ध्यान सर्वोच्च अदालततिर हुने भन्दै संसद विघटनको मुद्दा सच्याउने आशा व्यक्त गरेका छन् ।

उनको ट्वीट यस्तो छ :

आजदेखि सबैको आँखा सर्वोच्च अदालततिर हुनेछ । ओलीको गैरसंवैधानिक कदम सच्याउने र नेपाली जनताले इतिहासमा पहिलो पटक संविधानसभा मार्फत निर्माण गरेको संविधान र गणतन्त्र, संघीयता, धर्मनिरपेक्षता, समावेसी लोकतन्त्रको रक्षा गर्ने सजिलो बाटो सम्मानित अदालतको निर्णय हुनसक्छ । अरू बाटो रोज्न नपरोस् ।
1

नक्साल नारायण चौरमा आगलागी

2

प्रधानमन्त्री ओलीद्वारा सक्ने भए अध्यादेश फेल गरेर देखाउन चुनौती

3

पछिल्लो २४ घण्टामा थप ८९ जनामा कोरोना संक्रमण पुष्टि

4

‘ए मेरो हजुर-४’को रिलिज मिति घोषणा

5

मेयर कपमा आर्मी विजयी, सोमपालको आक्रामक ब्याटिंग

6

आज शेयर बजार बन्द


Share Tweet Send